លោក ជូ សុធី ប្រធានមន្ទីរសេដ្ឋកិច្ច និងហិរញ្ញវត្ថុ ខេត្តស្វាយរៀង ធ្វើពិធីសំណេះសំណាលជាមួយប្រជាពលរដ្ឋនៅភូមិបាក់រនាស់ សង្កាត់សង្ឃ័រ ក្រុងស្វាយរៀង

(ស្វាយរៀង)៖ នៅព្រឹកថ្ងៃ២៣ ខែសីហា ឆ្នាំ២០១៨ លោក ជូ សុធី ប្រធានមន្ទីរសេដ្ឋកិច្ច និងហិរញ្ញវត្ថុ ខេត្តស្វាយរៀង រួមនិងអាជ្ញាធរដែនដីមូលដ្ឋានក្រុមការងារចុះជួយសំណេះសំណាលជារបងប្អូនប្រជាពលរដ្ឋ នៅភូមិបាក់រនាស់ សង្កាត់សង្ឃ័រ ប្រមាណជាង៣០០នាក់ ។ គោលបំណងការជួបសំណេះសំណាលនេះគឺដើម្បីសួរសុខទុក្ខដោយផ្ទាល់រវាងមន្ត្រីរាជការ ជាមួយប្រជាពលរដ្ឋជាម្ចាស់ឆ្នោតដែរបានអញ្ជើញទៅបោះឆ្នោត បានយ៉ាងច្រើនកុះករប្រកបដោយទឹកមុខសប្បាយរីករាយ កាលពីថ្ងៃទី២៩ ខែកក្កដា ឆ្នាំ២០១៨ ដើម្បីជ្រើសរើសតាំងតំណាងរាស្ត្រ នីតិកាលទី៦ ។ លោក ជូ សុធី ប្រធានមន្ទីរសេដ្ឋកិច្ច និងហិរញ្ញវត្ថុ បានផ្ដាំផ្ញើរការសាកសួរសុខទុក្ខពី ឯកឧត្ដម ម៉ែន វិបុល អភិបាលនៃគណៈអភិបាលខេត្ត ប្រធានគណបក្សប្រជាជនកម្ពុជា ជូនចំពោះបងប្អូននៅទីនោះក្នុងក្ដីនឹករលឹក។ 

លោក ជូ សុធី បានកោតសសើរនិងអរគុណយ៉ាងជ្រាលជ្រៅចំពោះបងប្អូនប្រជាពលរដ្ឋ នៅសង្កាត់សង្ឃ័រ ក្រុងស្វាយរៀង ទាំងអស់ដែរបានបោះឆ្នោតជូនគណបក្សប្រជាជនកម្ពុជា ឈ្នះបាន៥អាសនៈលើ៥អាសនៈ ។ លោក ជូ សុធី ក៏បានផ្ដាំផ្ញើរដល់ប្រជាពលរដ្ឋយើងបន្តរួបរួមសាម្គីគ្នានៅក្នុងភូមិស្រុក បន្តចូលរួមអនុវត្តគោលនយោបាយ ភូមិ ឃុំ មានសុវត្ថិភាព និងខិតខំថែរក្សារាល់សមទ្ធិផលនានា អោយបានគង់វង្សយូរអង្វែង ។

រក្សាសិទ្ធិដោយៈ មន្ទីរព័ត៌មានខេត្តស្វាយរៀង