រដ្ឋបាលខេត្តស្វាយរៀង ដឹកជញ្ជូនបងប្អូនពលករខ្មែរ ចំនួន ២៦នាក់ ស្រី ១២នាក់ ដែលវិលត្រឡប់មកពីប្រទេសថៃ ដោយប្រើប្រាស់រថយន្តក្រុង ២គ្រឿង ទៅដល់លំនៅដ្ឋានវិញប្រកបដោយសុវត្ថិភាព

រដ្ឋបាលខេត្តស្វាយរៀង ដឹកជញ្ជូនបងប្អូនពលករខ្មែរ ចំនួន ២៦នាក់ ស្រី ១២នាក់ ដែលវិលត្រឡប់មកពីប្រទេសថៃ ដោយប្រើប្រាស់រថយន្តក្រុង ២គ្រឿង ទៅដល់លំនៅដ្ឋានវិញប្រកបដោយសុវត្ថិភាព

ក្រុមការងារសម្របសម្រួលទទួលពលករដែលត្រឡប់មកពីប្រទេសថៃទៅខេត្តស្វាយរៀង នារសៀលថ្ងៃទី៤ ខែសីហា ឆ្នាំ២០២៥ បានរៀបចំ ចំណីអាហារ ភេសជ្ជៈ និងរថយន្ត ២គ្រឿង របស់រដ្ឋបាលខេត្ត  ដើម្បីដឹកជញ្ជូនបងប្អូនពលករខ្មែរ ចំនួន ២៦នាក់ ស្រី ១២នាក់ ចូលតាមច្រកទ្វារព្រំដែនអន្តរជាតិដូចជា ច្រកទ្វារព្រំដែនអន្តរជាតិដូង ស្រុកកំរៀង ខេត្តបាត់ដំបង ច្រកទ្វារព្រំដែនអន្តរជាតិព្រំ ស្រុកសាលាក្រៅ ខេត្តប៉ៃលិន និងច្រកទ្វារព្រំដែនអន្តរជាតិប៉ោយប៉ែត ខេត្តបន្ទាយមានជ័យ ត្រឡប់ទៅលំនៅដ្ឋានវិញ។  

ក្នុងនោះដែរបងប្អូនពលករដែលបានវិលត្រឡប់មកពីប្រទេសថៃ ចូលតាម៖

-ច្រកទ្វារព្រំដែនអន្តរជាតិដូង ស្រុកកំរៀង ខេត្តបាត់ដំបង សរុបប្រមាណជា ៣០,៨៨៦នាក់ ស្រី ១២,៦៩៧នាក់ ដោយឡែកខេត្តស្វាយរៀង មានពលករសរុបចំនួន ២៥នាក់ ស្រី ១២នាក់

-តាមច្រកទ្វារព្រំដែនអន្តរជាតិព្រំ ស្រុកសាលាក្រៅ ខេត្តប៉ៃលិន សរុបប្រមាណ ១,៨៧៣នាក់ ស្រី ៦៧៤នាក់ ក្នុងនោះខេត្តស្វាយរៀង ១នាក់ 

-និងតាមច្រកទ្វារព្រំដែនអន្តរជាតិប៉ោយប៉ែត ខេត្តបន្ទាយមានជ័យ សរុបប្រមាណ ៣៨៣នាក់ ស្រី ១៧៤នាក់ ខេត្តស្វាយរៀង ០នាក់។ 

ក្រុមការងារបានដឹកជញ្ជូនបងប្អូនពលករខ្មែរ ចំនួន ២៦នាក់​ ស្រី​ ១២នាក់​ ទៅដល់លំនៅដ្ឋានពួកគាត់វិញនៅខេត្តស្វាយរៀង មានដូចជា​ ​ស្រុករមាសហែក​ ១១នាក់​ ស្រី​ ៥នាក់,​ ស្រុកកំពង់រោទិ៍​ ចំនួន​ ០៤នាក់​ ស្រី​ ០១នាក់,​ ស្រុកស្វាយជ្រំ​ ចំនួន​ ០២នាក់​ ស្រី​ ០១​ នាក់,​ ស្រុករំដួល​ ០៤នាក់​ ស្រី​ ០៣នាក់,​ ស្រុកចន្ទ្រា​ ០២នាក់​ ស្រី​ ០១នាក់​,​ ស្រុកស្វាយទាប​ ០២នាក់ ស្រី ០១នាក់ នៅវេលាម៉ោង ០២:១០ នាទី រំលងអាធ្រាត ថ្ងៃទី៥ ខែសីហា ឆ្នាំ២០២៥ ប្រកបដោយសុវត្ថិភាព។ 

📢 បងប្អូនពលករខ្មែរយើងដែលត្រឡប់ពីប្រទេសថៃតាមច្រកបន្ទាយមានជ័យ បាត់ដំបង ប៉ៃលិន ដែលត្រូវទៅខេត្តស្វាយរៀង សូមទំនាក់ទំនង 📞📲 #071 968 6805 , 010 801 584 , 069 328 600 , 088 922 7007

#អរគុណសន្តិភាព🇰🇭🙏🏻