សិស្សានុសិស្សាសាលាបឋមសិក្សាជប់ព្រីង ទទួលអំណោយសម្ភារៈសិក្សាសៀវភៅ ប៊ិច និងថវិកាមួយចំនួន ពីសប្បុរសជនជប៉ុន នៅស្រុកកំពង់រោទិ៍ ខេត្តស្វាយរៀង

(ស្វាយរៀង)៖ លោក ទីវ សុភា ប្រធានមន្ទីរធម្មការនិងសាសនាខេត្ត និងជាប្រធានក្រុមការងារចុះជួយឃុំថ្មី បាននាំយកអំណោយពីសប្បុរសជនជប៉ុន សម្ភារៈសិក្សាមានសៀវភៅ ប៊ិច និងថវិកាមួយចំនួន មកចែកជូនប្អូនៗក្មួយៗសិស្សានុសិស្ស លោកគ្រូអ្នកគ្រូ នៅសាលាបឋមសិក្សាជប់ព្រីង នៅព្រឹកថ្ងៃទី០១ ខែធ្នូ  ឆ្នាំ២០១៨នេះ និងមានការចូលរួមពីលោក លោកស្រី ក្រុមប្រឹក្សា មេភូមិ មេឃុំ និងអ្នកដែរពាក់ព័ន្ធជាច្រើនរូបទៀត នៅឃុំថ្មី ស្រុកកំពង់រោទិ៍ ខេត្តស្វាយរៀង ។

អំណោយសម្ភារៈសិក្សាដែរចែកជួនទាំងនោះរួមមាន៖

- សិស្សានុសិស្សសរុប ២១០នាក់ ក្នុងម្នាក់ៗទទួលបាន សៀវភៅ ៣ក្បាល ប៊ិច ២ដើម និងថវិកា ១០០០រៀល ។

- លោកគ្រូអ្នកគ្រូសរុប ៧នាក់ ក្នុងម្នាក់ៗទទួលបាន សៀវភៅ ៥ក្បាល ប៊ិច ៥ដើម សៀវភៅកត់ត្រា ១ក្បាល និងថវិកា ២០០០០រៀល ។

- ក្រុមប្រឹក្សាឃុំសរុប ៧នាក់ ក្នុងម្នាក់ៗទទួលបានថវិការមួយចំនួនផងដែរ ។

សូមបញ្ចាក់ផងដែរថា៖ អំណោយសម្ភារៈសិក្សាដែរបានចែកជូនដល់ប្អូនៗក្មួយៗសិស្សានុសិស្ស និងលោកគ្រូអ្នកគ្រូ នៅសាលាបឋមសិក្សាជប់ព្រីង នេះគឺ ប៊ិច សៀវភៅ បានមកពីសប្បុរសជនជប៉ុន ហើយថវិការទាំងអស់ដែរចំណាយបានមកពី លោក ទីវ  សុភា ប្រធានមន្ទីរធម្មការនិងសាសនាខេត្តស្វាយរៀង និងជាប្រធានក្រុមការងារចុះជួយឃុំថ្មី ផងដែរ ៕ ដោយ៖ភក្ដី