លោក តូច ប៉ូលីវ៉ា បាននាំយកសម្ភារសិក្សាមួយចំនួនទៅចែកជូនសិស្សានុសិស្ស នៅសាលាអនុវិទ្យាល័យជ័យជម្នះ ស្រុកកំពង់រោទិ៍

(ស្វាយរៀង)៖ ឯឧត្តម តូច ប៉ូលីវ៉ា អនុប្រធាន សសយកខេត្ត និងជាប្រធានក្រុមការងារចុះជួយយុវជន សសយក ស្រុកកំពង់រោទិ៍ តំណាងដ៏ខ្ពង់ខ្ពស់ឯឧត្តម ឌី វិជ្ជា ប្រធាន សសយកខេត្ត បាននាំយកសម្ភារសិក្សាទៅចែកជូនសិស្សានុសិស្ស នៅសាលាអនុវិទ្យាល័យជ័យជម្នះចំនួន១៤០នាក់ និងបានឧបត្ថម្ភថវិកា មួយចំនួនដល់លោកគ្រូ អ្នកគ្រូ ទាំង១៤នាក់ផងដែរ នៅថ្ងៃទី២៨ ខែធ្នូ  ឆ្នាំ២០១៨ ដែលស្ថិតនៅក្នុងឃុំព្រៃធំ ស្រុកកំពង់រោទិ៍ ខេត្តស្វាយរៀង ។លោក តូច ប៉ូលីវា បានមានប្រសាសន៍ថា៖ ក្មួយៗសិស្សានុសិស្ស នាពេលបច្ចុប្បន្ននេះ ពិតជាមានសំណាងណាស់ ដែលមានឱកាសពេញលេញ និងសម្បូរបែប ទទួលបាននូវការអប់រំសិក្សាគ្រប់ទីកន្លែង ព្រោះថាសាលារៀន ត្រូវបានពង្រាយទៅកៀកជាប់នឹងរបងផ្ទះតែម្ដង ផ្ទុយស្រឡះពីជំនាន់មុន ដែលពុំមានឱកាសពេញលេញបែបនេះទេ ណាមួយសាលារៀននៅឆ្ងាយពីផ្ទះផង ។

ទន្ទឹមនេះផងដែរ លោកបានផ្ដាំផ្ញើដល់សិស្សានុសិស្សទាំងអស់ ត្រូវចេះតស៊ូអំណត់ព្យាយាម ដោយយកចិត្តទុកដាក់រៀនសូត្រឲ្យបានពូកែថែមទៀត ត្រូវធ្វើអំពើណាដែលល្អ និងមានផលប្រយោជន៍ដល់សង្គម ត្រូវចៀសឲ្យឆ្ងាយពីគ្រឿងញៀន និងគ្រឿងស្រវឹងគ្រប់ប្រភេទ ចៀសវាងឲ្យបាននូវអំពើអបាយមុខផ្សេងៗ ព្រមទាំងត្រូវចូលរួមគោរពប្រតិបត្តិច្បាប់ចរាចរណ៍ឲ្យបានខ្ជាប់ខ្ជួន ដើម្បីសុវត្ថិភាពខ្លួនឯងផង និងអ្នកដទៃផង ។

សូមបញ្ជាក់ថា៖ អំណោយដែរចែកជួនក្មួយៗសិស្សានុសិស្ស ក្នុងម្នាក់ៗទទួលបាន សៀវភៅ ប៊ិច បន្ទាត់ ខ្មៅដៃ ជ័រលុប និងសំភារៈសិក្សាមួយចំនួនទៀត ចំណែកលោកគ្រូ អ្នកគ្រូទាំង១៤នាក់ ក្នុងម្នាក់ៗទទួលបានថវិការមួយចំនួន ផងដែរ៕ ដោយ៖ភក្ដី