តំបន់ត្រជាក់ចិត្ត សម្រាប់សង្ក្រានស្វាយរៀងលើកទី3 ឆ្នាំ 2019 នេះបានរៀបចំរួចរាល់ហើយ

(ស្វាយរៀង)៖ នៅល្ងាចថ្ងៃទី12 ខែមេសា ឆ្នាំ2019នេះ លោក តូច ប៉ូលីវ៉ា អភិបាលរងខេត្ត លោក ឡុហ សុខុម ប្រធានមន្ទីរឧស្សាហកម្មនិងសិប្បកម្មខេត្ត លោក អុឹម មេសា ប្រធានរដ្ឋាករទឹកខេត្ត បានចុះពិនិត្យការដ្ឋានសាងសង់ តំបន់ត្រជាក់ចិត្ត សម្រាប់សង្ក្រានស្វាយរៀង ដែលប្រារព្ធទៅនៅថ្ងៃទី14-15-16 ខែមេសា ឆ្នាំ2019 ខាងមុខនេះ ពេលនេះតំបន់ត្រជាក់ចិត្ត បានសាងសង់រួចរាល់ហើយ សម្រាប់ទុកឲ្យបងប្អូនប្រជាពលរដ្ឋ នៅក្នុងខេត្តស្វាយរៀង បានមកលេងកម្សាន្តនៅថ្ងៃសង្ក្រាន្តស្វាយរៀងលើកទី3 ។ 

សូមបញ្ចាក់ផងដែរថា នៅក្នុងតំបន់ត្រជាក់ចិត្តមានកន្លែងលេងកម្សាន្តជាច្រើនដូចជា៖ ទឹកផ្កាឈូកយក្ស, ពោងទឹកយក្ស, ទាញព្រ័ត្រលើពពុះសាប៊ូ, បវរកញ្ញាឯកធ្លាក់ទឹក និងមានល្បែងលេងកំសាន្តជាច្រើនទៀត។ ល។  សូមពុកម៉ែ បងប្អូន កុំភ្លេចមកលេងកម្សាន្តសប្បាយរីករាយជាមួយសង្ក្រានស្វាយរៀងឆ្នាំ2019 ទាំងអស់គ្នា ៕ ដោយ៖ភក្ដី