សិស្សពូកែ ផៃ វុទ្ធី ទទួលបានចំណាត់ថ្នាក់លេខ៧ ផ្នែកគណិតវិទ្យាទូទាំងប្រទេស បានមកដល់ទឹកដីខេត្តស្វាយរៀងវិញហើយ

(ស្វាយរៀង)៖ នៅថ្ងៃទី២៩ ខែមេសា ឆ្នាំ២០១៩ម្សិលមិញនេះ សិស្សពូកែ ផៃ វុទ្ធី ទទួលបានចំណាត់ថ្នាក់លេខ៧ ផ្នែកគណិតវិទ្យាទូទាំងប្រទេស បានមកដល់ទឹកដីខេត្តស្វាយរៀងវិញហើយ លោក តូច បូលីវា ដែលជាអភិបាលរងខេត្តស្វាយរៀង បានចូលរួមអបអរសារទរ យុវសិស្សឈ្មោះ ផៃ វុទ្ធី ដែលសិក្សានៅវិទ្យាល័យស្វាយរៀង បានទទួលជ័យលេភីក្នុងការប្រលងថ្នាក់ជាតិ ចំណាប់ថ្នាក់លេខ៧ ផ្នែកគណិតវិទ្យាទូទាំងប្រទេស ។

សូមបញ្ជាក់ថា យុវសិស្ស ដែលទទួលបានជ័យលេភីថ្នាក់ជាតិរូបនេះ និងទទួលបាន៖ សេចក្តីប្រកាសទទួលស្គាល់សិស្សពូកែទូទាំងប្រទេសដោយ រដ្ឋមន្ត្រីក្រសួងអប់រំ យុវជន និងកីឡា មួយច្បាប់ វីញ្ញាបនបត្យបញ្ជាក់សិស្សពូកែទូទាំងប្រទេសមួយច្បាប់ និងប្រាក់រង្វាន់តាមចំណាប់ថ្នាក់ផងដែរ៕ ដោយ៖ភក្ដី