ខេត្តស្វាយរៀង! បោះឆ្នោតជ្រើសរើសក្រុមប្រឹក្សា រាជធានី ក្រុមប្រឹក្សាខេត្ត ក្រុមប្រឹក្សាក្រុង ក្រុមប្រឹក្សាស្រុក ក្រុមប្រឹក្សាខណ្ឌ អាណត្តិទី៣ ឆ្នាំ២០១៩

(ស្វាយរៀង): នៅថ្ងៃអាទិត្យ ទី២៦ ខែឧសភា ឆ្នាំ២០១៩ ការបោះឆ្នោតជ្រើសរើសក្រុមប្រឹក្សារាជធានី ក្រុមប្រឹក្សាខេត្ត ក្រុមប្រឹក្សាក្រុង ក្រុមប្រឹក្សាស្រុក ក្រុមប្រឹក្សាខណ្ឌ អាណត្តិទី 3 បានចាប់ផ្ដើមហើយ ដែលទូទាំងខេត្តស្វាយរៀង មានមណ្ឌលបោះឆ្នោតចំនួន៩ និងការិយាល័យចំនួន៨ សរុបអង្គបោះឆ្នោតទាំងអស់ចំនួន៥១៨នាក់:

- មណ្ឌលបោះឆ្នោតខេត្តស្វាយរៀង មានសមាជិកក្រុមប្រឹក្សាចំនួន២៣នាក់ និងគណបក្សនយោបាយឈរឈ្មោះបោះឆ្នោតចំនួន ៣គណបក្ស

-  មណ្ឌលបោះឆ្នោតក្រុងបាវិត មានសមាជិកក្រុមប្រឹក្សាចំនួន១៥នាក់ និងគណបក្សនយោបាយឈរឈ្មោះបោះឆ្នោតចំនួន ២គណបក្ស

- មណ្ឌលបោះឆ្នោតស្រុកចន្ទ្រា មានសមាជិកក្រុមប្រឹក្សាចំនួន១៥នាក់ និងគណបក្សនយោបាយឈរឈ្មោះបោះឆ្នោតចំនួន ២គណបក្ស

- មណ្ឌលបោះឆ្នោតស្រុកកំពង់រោទិ៍ មានសមាជិកក្រុមប្រឹក្សាចំនួន១៩នាក់ និងគណបក្សនយោបាយឈរឈ្មោះបោះឆ្នោតចំនួន ២គណបក្ស

- មណ្ឌលបោះឆ្នោតស្រុករំដួល មានសមាជិកក្រុមប្រឹក្សាចំនួន១៧នាក់ និងគណបក្សនយោបាយឈរឈ្មោះបោះឆ្នោតចំនួន ២គណបក្ស

- មណ្ឌលបោះឆ្នោតស្រុករមាសហែក មានសមាជិកក្រុមប្រឹក្សាចំនួន២១នាក់ និងគណបក្សនយោបាយឈរឈ្មោះបោះឆ្នោតចំនួន ២គណបក្ស

- មណ្ឌលបោះឆ្នោតស្រុកស្វាយជ្រំ មានសមាជិកក្រុមប្រឹក្សាចំនួន២១នាក់ និងគណបក្សនយោបាយឈរឈ្មោះបោះឆ្នោតចំនួន ២គណបក្ស

- មណ្ឌលបោះឆ្នោតក្រុងស្វាយរៀង មានសមាជិកក្រុមប្រឹក្សាចំនួន១៥នាក់ និងគណបក្សនយោបាយឈរឈ្មោះបោះឆ្នោតចំនួន ២គណបក្ស

- មណ្ឌលបោះឆ្នោតស្រុកស្វាយទាប មានសមាជិកក្រុមប្រឹក្សាចំនួន១៧នាក់ និងគណបក្សនយោបាយឈរឈ្មោះបោះឆ្នោតចំនួន ២គណបក្ស

សូមរម្លឹកថាការបោះឆ្នោត ជ្រើសរើសក្រុមប្រឹក្សា រាជធានី ខេត្ត ក្រុង ស្រុក ខណ្ឌ អាណត្តិ ទី ៣ នឹងធ្វើ ឡើង ចាប់ពី ម៉ោង ៧ ព្រឹក ដល់ ម៉ោង ៣ រសៀល ថ្ងៃអាទិត្យ ទី ២៦ ខែឧសភា ឆ្នាំ ២០១៩ ។ ការបោះឆ្នោតនេះជាការបោះឆ្នោតអសកលដែលមានតែសមាជិក ក្រុមប្រឹក្សាឃុំ សង្កាត់ ក្នុងតំណែងសរុបចំនួន១១៥៧២នាក់ ជាអ្នកបោះឆ្នោត ។

នីតិវិធីនៃការបោះឆ្នោត ជ្រើសរើសក្រុមប្រឹក្សា រាជធានី ខេត្ត ក្រុង ស្រុក ខណ្ឌ គឺជាការបោះឆ្នោតសម្ងាត់ដូចគ្នា នឹង ការបោះឆ្នោតសកល ដែលប្រជាពលរដ្ឋជាអ្នកបោះឆ្នោត កន្លងមកដែរ ។ ប៉ុន្តែការបោះឆ្នោត ជ្រើសរើសក្រុមប្រឹក្សា រាជធានី ខេត្ត ក្រុង ស្រុក ខណ្ឌ គឺអ្នកបោះឆ្នោត ដែលជា សមាជិកក្រុមប្រឹក្សាឃុំ សង្កាត់ ម្នាក់ត្រូវគូសលើ សន្លឹកឆ្នោត២សន្លឹក គឺសន្លឹកឆ្នោតមួយជាការបោះឆ្នោត ជ្រើសរើសក្រុមប្រឹក្សារាជធានី ឮខេត្ត និងសន្លឹកឆ្នោតមួយទៀតជាការបោះឆ្នោត ជ្រើសរើសក្រុមប្រឹក្សា ក្រុង ស្រុក ខណ្ឌ ហើយមានហិបឆ្នោតចំនួន២ដែរ គឺមួយសម្រាប់ដាក់ សន្លឹកឆ្នោតរបស់ក្រុមប្រឹក្សារាជធានី ខេត្ត និងហិបឆ្នោត មួយទៀតសម្រាប់ដាក់សន្លឹកឆ្នោតក្រុមប្រឹក្សា ក្រុង ស្រុក ខណ្ឌ ៕ ដោយ:ភក្តី