នៅតាមមូលដ្ឋាន ឃុំ សង្កាត់ ក្រុង ស្រុក ក្នុងខេត្តស្វាយរៀង ជួបជុំទទួលទាននំបញ្ចុកសន្តិភាព តាំងពីព្រឹកព្រលឹម ថ្ងៃអាទិត្យ ទី០៩ ខែមិថុនានេះ

(ស្វាយរៀង)៖ យើងឃើញហើយថានៅតាមមូលដ្ឋាន ឃុំ សង្កាត់ ក្រុង ស្រុក នៅទូទាំងប្រទេសបានជួបជុំទទួលទាន នំបញ្ចុក តាំងពីព្រឹកព្រលឹម ថ្ងៃអាទិត្យ ទី០៩ ខែមិថុនានេះ ហើយការជួបជុំនៅក្នុងខេត្តស្វាយរៀងវិញត្រូវបាន រៀបចំឡើងតាមទីស្នាក់ការគណបក្សប្រជាជនកម្ពុជា នៅតាមឃុំ សង្កាត់ ក្រុង ស្រុក ជួបជុំ ឮនៅតាមវត្តអារាម និងនៅតាម សាលារៀន ជាដើម។ល។

ហើយការជួបជុំទទួលទាននំបញ្ចុកនៅថ្ងៃអាទិត្យ ទី ០៩ មិថុនានេះ បានធ្វើឡើងតាមការអំពាវនាវរបស់ សម្តេចតេជោ ហ៊ុនសែន ដែលបានប្រកាសឲ្យប្រជាពលរដ្ឋខ្មែរគ្រប់ស្រទាប់វណ្ណៈទទួលទាននំបញ្ចុក ដែលជាអត្តសញ្ញាណ ជាតិខ្មែរ ជានំបញ្ចុក សាមគ្គីភាព ឯកភាពជាតិ និងដោយមិនប្រកាន់និន្នាការនយោបាយណាមួយឡើយ ។

ដូចយើងឃើញស្រាប់ហើយថា មឆនការរៀបចំ សម្លការី និងសម្លប្រហើ ព្រមទាំងនំបញ្ចុក រាប់រយគីឡូក្រាម ក្នុងមួយកន្លែងៗ ក្នុងនោះក៏មានប្រជាជនចូលរួមជាច្រើននាក់ផងដែរ នៅតាមផ្សារ និងកន្លែងនានានៅក្នុងខេត្តស្វាយរៀង គឺនំ បញ្ចុកនៅថ្ងៃអាទិត្យនេះ ត្រូវបានលក់អស់រលីងម៉ង ៕ ដោយ:ភក្តី