ពិធីក្រុងពាលីបួងសួងសុំសេចក្ដីសុខ សម្រាប់ការរៀបចំពិធីប្រកួតកីឡាទូកនាគ ឆ្នាំ២០១៩ ពានរង្វាន់សម្តេចក្រឡាហោម ស ខេង នៅតាមបណ្តោយមាត់ទន្លេវ៉ៃគោ ក្រុងស្វាយរៀង

(ស្វាយរៀង): នៅរសៀលថ្ងៃទី២៥ ខែកក្កដា ឆ្នាំ២០១៩ លោក តូច ប៉ូលីវ៉ា អភិបាលរងខេត្ត តំណាងលោក ម៉ែន វិបុល អភិបាលខេត្ត និងលោកបណ្ឌិត មាស សារិន អនុប្រធានអចិន្ត្រៃយ៍សហព័ន្ធកីឡាទូកកានូ និងរ៉ូអ៉ីងកម្ពុជា និងលោក អ៊ុយ ថន សមាជិកក្រុមប្រឹក្សាខេត្ត បានអញ្ជើញចូលរួមក្នុងពិធីក្រុងពាលីបួងសួងសុំសេចក្ដីសុខ សម្រាប់ការរៀបចំពិធីប្រកួតកីឡាទូកនាគ ឆ្នាំ២០១៩ ពានរង្វាន់សម្តេចក្រឡាហោម ស ខេង នៅតាមបណ្តោយមាត់ទន្លេវ៉ៃគោ ក្រុងស្វាយរៀង ដែលនឹងប្រព្រឹត្តទៅនៅថ្ងៃទី២៧-២៨ ខែកក្កដា ឆ្នាំ២០១៩នេះ ។

ដោយមានការចូលរួមពីលោក លោកស្រីសមាជិកក្រុមប្រឹក្សាខេត្ត លោលអភិបាលរងខេត្ត លោក លោកស្រីនាយក នាយករង រដ្ឋបាលសាលាខេត្ត ប្រតិភូសហព័ន្ធកីឡាទូកកានូ និងរ៉ូអ៉ីងកម្ពុជា តំណាងកងកម្លាំងទាំងបីប្រភេទ ប្រធានមន្ទីរ-អង្គភាពនានា និងលោក លោកស្រីនាយកទីចាត់ការ/ប្រធានអង្គភាព ចំណុះសាលាខេត្ត លោក លោកស្រីប្រធាន អនុប្រធាន អនុគណៈកម្មការទាំង៧ ៕