លោក ម៉ែន អេង បានដឹកនាំក្រុមការងារ ចុះត្រួតពិនិត្យ ប្រឡាយ ស្រះទឹក អណ្តូងទឹកជូនប្រជាពលរដ្ឋនារដូវប្រាំង ក្នុងភូមិសាស្ត្រស្រុកកំពង់រោទិ៍
(ស្វាយរៀង): ថ្ងៃអាទិត្យ ទី២៨ ខែមេសា ឆ្នាំ២០២៤ លោក ម៉ែន អេង អភិបាលរងខេត្តស្វាយរៀង តំណាតំណាងឧត្តមអភិបាលខេត្ត បានអញ្ជេីញដឹកនាំក្រុមការងារ ចុះត្រួតពិនិត្យ ប្រឡាយ ស្រះទឹក អណ្តូងទឹកជូនប្រជាពលរដ្ឋនារដូវប្រាំង ក្នុងភូមិសាស្ត្រស្រុកកំពង់រោទិ៍ ខេត្តស្វាយរៀង ហើយក្នុងការចុះត្រួតពិនិត្យ នេះផងដែរ ក៏មានការអញ្ជេីញចូលរួមពីលោក សុខ សុទ្ធាវុធ ប្រធានមន្ទីរកសិកម្ម រុក្ខាប្រមាញ់និងនេសាទខេត្ត លោក កែវ ច័ន្ទលី ប្រធានមន្ទីរព័ត៌មានខេត្ត លោក សំ នីតូ ប្រធានមន្ទីរអភិវឌ្ឍន៍ជនបទ លោក ឃុត គីម អភិបាលរងស្រុកកំពង់រោទិ៍ លោកស្រី សំ កញ្ញា មេឃុំបន្ទាយក្រាំង និងមន្ត្រីដែលពាក់ព័ន្ធជាច្រេីនរូបទៀត។
លោក ម៉ែន អេង បានមានប្រសាសន៍ថា: ទុក្ខកង្វល់របស់ប្រជាជន គឺជាទុក្ខកង្វល់របស់មន្ត្រីគ្រប់លំដាប់ថ្នាក់ ដូច្នេះហេីយ រាល់ពេលដែលប្រជាពលរដ្ឋ បងប្អូន ពូមីង ជួបទុក្ខគឺត្រូវតែមានមន្ត្រីចុះជួយ សួរសុខទុក្ខ សម្របសម្រួលឱ្យការរស់នៅរបស់បងប្អូនបានស្រួលជាប្រចាំ និងដោះស្រាយជូនបងប្អូនបានទាន់ពេលវេលា។
លោកមានប្រសាសន៍បន្តថា គ្រប់មន្ទីរដែលពាក់ព័ន្ធត្រូវធ្វេីការសហការគ្នាដេីម្បីទទួលបានទិន្នន័យពីថ្នាក់ឃុំ-សង្កាត់ ក្រុង ស្រុក ដែលមានបញ្ហាជួបគ្រោះរាំងស្ងួត ឬខ្វះខាតទឹកប្រេីប្រាស់ជាដេីម ឬឃុំសង្កាត់ដែលកំពុងប្រឈមនឹងបញ្ហានេះដេីម្បីដោះស្រាយ និងត្រៀមបង្កាជូនបងប្អូនប្រជាពលរដ្ឋបានទាន់ពេលវេលា។ ជាចុងក្រោយលោក ម៉ែន អេង មមានប្រសាសន៍ផ្តាំផ្ញើដីអោយប្រជាពលរដ្ឋ ត្រូវយកចិត្តទុកដាក់ខ្ពស់ពីសុខភាព ញាំទឹកឱ្យបានច្រេីនព្រោះថាពេលនេះអាកាសធាតុក្ដៅខ្លាំងណាស់៕
ដោយ:ភក្ដី
No comments:
Post a Comment