លោក ម៉ែន អេង អភិបាលរងខេត្តស្វាយរៀង បានដឹកនាំបេីកកិច្ចប្រជុំត្រួតពិនិត្យវឌ្ឍន:ភាពការងារប្រចាំខែមេសា ឆ្នាំ២០២៤ របស់មន្ទីរព័ត៌មានខេត្តស្វាយរៀង
(ស្វាយរៀង): នៅព្រឹកថ្ងៃចន្ទ ទី២៩ ខែមេសា ឆ្នាំ២០២៤ លោក ម៉ែន អេង អភិបាលរងខេត្តស្វាយរៀង បានដឹកនាំបេីកកិច្ចប្រជុំត្រួតពិនិត្យវឌ្ឍន:ភាពការងារប្រចាំខែមេសា ឆ្នាំ២០២៤ របស់មន្ទីរព័ត៌មានខេត្តស្វាយរៀង ក្នុងកិច្ចប្រជុំនេះក៏មានការអញ្ជេីញចូលរួមពី លោក កែវ ច័ន្ទលី ប្រធានមន្ទីរព័ត៌មាន និងមន្ត្រីមន្ទីរព័ត៌មានខេត្តស្វាយរៀងជាច្រេីនរូបទៀត។
លោក ម៉ែន អេង អភិបាលរងខេត្តស្វាយរៀង បានមានប្រសាសន៍ក្នុងអង្គប្រជុំថា បានធ្វើការកោតសរសើរដល់ថ្នាក់ដឹកនាំមន្ទីរ មន្ត្រីរាជការតាមការិយាល័យជំនាញទាំងអស់ ដែលបានខិតខំចុះយកព័ត៌មានជាប្រចាំនិងផលិតព័ត៌មានទៅផ្សព្វផ្សាយជូនថ្នាក់ដឹកនាំ និងនាំយកព័ត៌មាននៅតាមមូលដ្ឋាន ទៅផ្សព្វផ្សាយជូនថ្នាក់ដឹកនាំវិញ។
លោក ម៉ែន អេង បានមានប្រសាសន៍បន្តថា ក្រោមម្លប់សន្តិភាព យេីងមានពេលវេលាគ្រប់គ្រាន់នៅក្នុងការតាមដានព័ត៌មាន យេីងមានពេលវេលាគ្រប់គ្រាន់នៅក្នុងការប្រកបការងារជាប្រចាំថ្ងៃយេីងមានសិទ្ធិបញ្ចេញមតិ និងការចូលរួមតាមដានរឿងសង្គមជាតិថែមទៀតផង។ ក្នុងនាមជាបងប្អូន ជាក្រុមការងារ ត្រូវចូលរួមសហការគ្នាដោយយកចិត្តទុកដាក់ខ្ពស់ក្នុងការប្រមូលព័ត៌មានឱ្យបានគ្រប់ជ្រុងជ្រោយ ត្រឹមត្រូវ ទៅតាមតួនាទីរៀងៗខ្លួន និងធ្វេីការបង្កេីតនូវមាតិកាក្នុងការផ្សព្វផ្សាយព័ត៌មានជាប្រចាំផងដែរ៕
ដោយ:ភក្ដី
No comments:
Post a Comment