ដំណើរការបោះឆ្នោតក្រុមប្រឹក្សាអាណត្តិទី៤ នៅខេត្តស្វាយរៀង មានអង្គបោះឆ្នោត ៥១៨នាក់ មានមណ្ឌលនិងការិយាល័យចំនួន៨

 ដំណើរការបោះឆ្នោតក្រុមប្រឹក្សាអាណត្តិទី៤ នៅខេត្តស្វាយរៀង មានអង្គបោះឆ្នោត ៥១៨នាក់ មានមណ្ឌលនិងការិយាល័យចំនួន៨

(ស្វាយរៀង)៖ ដំណើរការបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុមប្រឹក្សាក្រុង ស្រុក ខណ្ឌ អាណត្តិទី៤ នៅខេត្តស្វាយរៀង ចាប់តាំងពីម៉ោង៧និង០០នាទីព្រឹក ថ្ងៃទី២៦ ខែឧសភា ឆ្នាំ២០២៤ មានសមាជិកក្រុមប្រឹក្សាឃុំ សង្កាត់នៅក្នុងតំណែង ដែលអង្គបោះឆ្នោតបានមកចូលរួមបោះឆ្នោតនៅតាមមណ្ឌល និងការិយាល័យទាំង៨ ស្រុក-ក្រុង។

សូមជម្រាបជូនថា: បោះឆ្នោតក្រុមប្រឹក្សាអាណត្តិទី៤ ជាការបោះឆ្នោតអសកល ដែលមានអង្គបោះឆ្នោតជាសមាជិកក្រុមប្រឹក្សាឃុំ-សង្កាត់ នៅក្នុងមុខតំណែងចូលរួមបោះឆ្នោតប៉ុណ្ណោះ។ ហើយចំពោះការងារសន្តិសុខសណ្ដាប់ធ្នាប់ តាមមណ្ឌលនិងការិយាល័យទាំង៨ ស្រុក ក្រុង នៅខេត្តស្វាយរៀង បានប្រព្រឹត្តទៅដោយរលូនមានសន្តិសុខ សុវត្ថិភាព សណ្ដាប់ធ្នាប់ល្អ គ្មានអំពើហិង្សា និងពុំមានបាតុភាពណាមួយកើតឡើងគួរឱ្យកត់សម្គាល់នោះឡើយ។

សូមបញ្ជាក់ថា: សម្រាប់ខេត្តស្វាយរៀងវិញ មាន៨ក្រុង-ស្រុក ៨០ឃុំ-សង្កាត់ និងមានមណ្ឌល៨ និងការិយាល័យចំនួន៨ សមាជិកអង្គបោះឆ្នោត ៥១៨នាក់ និងស្ត្រី ១៣០នាក់ និងគណបក្សនយោបាយចូលរួមចំនួនន៤រួមមាន៖ ១.គណបក្សប្រជាជាកម្ពុជា, ២.គណបក្សឆន្ទៈខ្មែរ, ៣.គណបក្សកម្លាំងជាតិ, ៤.គណបក្សហ៊្វុនស៊ិនប៉ិច។  និងមានអ្នកសង្កេតការជាតិចំនួន៥៩នាក់ មាន៤សមាគមរួមមាន: សហភាពសហព័ន្ធយុវជនកម្ពុជា (ហៅកាត់ថា ស ស យ ក), សមាគមនារីដើម្បីសន្តិភាពនិងអភិវឌ្ឍន៍ខេត្តស្វាយរៀង, សមាគមរាជសី ,សមាគមសិស្សនិស្សិតបញ្ញវន្តក្មេងវត្ត៕

ដោយ:ភក្ដី