ថ្នាក់ដឹកនាំខេត្តស្វាយរៀង ចុះសួរសុខទុក្ខគ្រួសារមានពិការភាពកាយសប្បទាចំនួន៣នាក់ នៅស្រុកកំពង់រោទិ៍
(ខេត្តស្វាយរៀង): នៅព្រឹកថ្ងៃទី២៨ ខែកុម្ភៈ ឆ្នាំ២០២៦ ឯកឧត្តម ប៉េង ពោធិ៍សា អភិបាលនៃគណៈអភិបាលខេត្តស្វាយរៀង និងឯកឧត្តម បៀង ថេង ជំនួយការផ្ទាល់សម្ដេចឥស្សរវិទេសបញ្ញា ហោ ណាំហុង បានអញ្ជេីញចុះសួសុខទុក្ខគ្រួសារលោកស្រី ប្រាក់ ចន្ថា ដែលជាស្ត្រីមេម៉ាយមានកូនពិការភាពកាយសប្បទាចំនួន៣នាក់រស់នៅក្នុងបន្ទុក ស្ថិតនៅភូមិកណ្តាល ឃុំខ្សែត ស្រុកកំពង់រោទិ៍រួមមាន៖
- កូនទី១ ឈ្មោះ តក់ ធារ៉ា ភេទស្រីអាយុ៣៥ ឆ្នាំ
- កូនទី២ ឈ្មោះ តក់ ធារី ភេទស្រី អាយុ២៥ ឆ្នាំ
-កូនទី៣ ឈ្មោះ តក់ រាត្រី ភេទប្រុស អាយុ១៧ ឆ្នាំ
ឆ្លៀតក្នុងឱកាសនោះដែរ ឯកឧត្តមអភិបាលខេត្ត និងឯកឧត្តម បៀង ថេង បាននាំមកនូវអំណោយ និងថវិកាមួយចំនួនដល់គ្រួសារលោកស្រី ប្រាក់ ចន្ថា ផងដែររួមមាន៖ ឯកឧត្តម បៀង ថេង បាននាំយកនូវថវិកាសម្ដេចឥស្សរវិទេសបញ្ញា ហោ ណាំហុង ចំនួន២,០០០,០០០រៀល និងសម្ភារៈមួយចំនួន,ថវិកាឯកឧត្តម ប៉េង ពោធិ៍សា អភិបាលខេត្តចំនួន2,000,000 រៀល ព្រមទាំង អង្ករ៥០គីឡូ៤បាវ. មី៥កេស. ទឹកត្រី៥យួរ. ទឹកស៊ីអ៊ីវ៥យួរ. ត្រីខកំប៉ុង១០យូរ និងបាកាស៥កេស និងថវិការបស់សម្តេចកិត្តិសង្គតិសង្គហបណ្ឌិត មែន សំអនចំនួន ២,០០០,០០០រៀល។
ជាមួយនោះដែរឯកឧត្តមអភិបាលខេត្តក៏បានឧត្ថម្ភថវិកាដល់កូនពិការទាំង៣នាក់ ក្នុងម្នាក់ៗចំនួន២០០ដុល្លារបន្ថែមទៀតផងដែរ។
សូមជម្រាបជូនថា ចាប់តាំងពីឆ្នាំ២០២១មក ដល់បច្ចុប្បន្ន សម្ដេចឥស្សរវិទេសបញ្ញា ហោ ណាំហុង តែងបានផ្តល់ប្រាក់ឧបត្ថម្ភប្រចាំខែចំនួន៨០ម៉ឺនរៀលរាងរាល់ខែ ហេីយប្រាក់ឧបត្ថម្ភនេះ នៅតែបានបន្តផ្តល់ជូនគ្រួសារលោកស្រី ប្រាក់ ចន្ថា ជារាងរាល់ខែទៅមុខទៀត៕
ដោយ: ភក្ដី
No comments:
Post a Comment