ថ្ងៃដំបូងនៃសង្ក្រាន្តស្វាយរៀង៖ ភ្ញៀវទេសចរ និងប្រជាពលរដ្ឋជាង ១០ម៉ឺននាក់ ចូលរួមលេងកម្សាន្តយ៉ាងសប្បាយរីករាយ

 ថ្ងៃដំបូងនៃសង្ក្រាន្តស្វាយរៀង៖ ភ្ញៀវទេសចរ និងប្រជាពលរដ្ឋជាង ១០ម៉ឺននាក់ ចូលរួមលេងកម្សាន្តយ៉ាងសប្បាយរីករាយ

 

(ស្វាយរៀង)៖ ក្នុងឱកាសថ្ងៃទី១ នៃពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី១៤ ខែមេសា ឆ្នាំ២០២៦នេះ ខេត្តស្វាយរៀងបានទទួលស្វាគមន៍ភ្ញៀវទេសចរ និងបងប្អូនប្រជាពលរដ្ឋយ៉ាងច្រើនកុះករមកលេងកម្សាន្តនៅតាមគោលដៅទេសចរណ៍ និងទីតាំងសង្ក្រាន្តនានា។

យោងតាមរបាយការណ៍ពី លោកប្រធានមន្ទីរទេសចរណ៍ខេត្តស្វាយរៀង បានឱ្យដឹងថា ស្ថិតិភ្ញៀវទេសចរសរុបក្នុងថ្ងៃទី១នេះ មានចំនួន ១០០,៨៣៩ នាក់ ក្នុងនោះរួមមាន៖

• ភ្ញៀវជាតិ និងប្រជាពលរដ្ឋក្នុងតំបន់៖ ១០០,៧៥៤ នាក់
• ភ្ញៀវអន្តរជាតិ (បរទេស)៖ ៨៥ នាក់

តាមការសង្កេតជាក់ស្តែង នៅតាមទីតាំងនីមួយៗ បងប្អូនប្រជាពលរដ្ឋបានចូលរួមលេងល្បែងប្រជាប្រិយខ្មែរ រាំលេងកម្សាន្ត និងទស្សនាកម្មវិធីសិល្បៈដែលរៀបចំដោយរដ្ឋបាលខេត្ត ប្រកបដោយទឹកមុខញញឹមស្រស់ស្រាយ និងសប្បាយរីករាយក្រៃលែង។

 

ទន្ទឹមនឹងសកម្មភាពកម្សាន្តដ៏មមាញឹកនេះ ស្ថានភាពសន្តិសុខ សុវត្ថិភាព និងសណ្តាប់ធ្នាប់សាធារណៈ ត្រូវបានធានាយ៉ាងល្អប្រសើរ ក្រោមការយកចិត្តទុកដាក់ខ្ពស់ពីសំណាក់កងកម្លាំងមានសមត្ថកិច្ច និងអាជ្ញាធរគ្រប់លំដាប់ថ្នាក់។

 

លោកប្រធានមន្ទីរទេសចរណ៍ ក៏បានបញ្ជាក់បន្ថែមថា ក្រុមការងារនឹងបន្តតាមដាន និងបូកសរុបតួលេខភ្ញៀវទេសចរសម្រាប់ថ្ងៃបន្តបន្ទាប់ទៀត ដើម្បីជម្រាបជូនសាធារណជនជាព័ត៌មាន៕

•