លោក តូច ប៉ូលីវ៉ា បានរៀបចំប្រជុំត្រួតពិនិត្យ វឌ្ឍនភាពការងារ របស់អ្នក សង្កេតការណ៍ជាតិ សម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០១៨

(ស្វាយរៀង)៖ នៅថ្ងៃទី១៥ ខែតុលា ឆ្នាំ២០១៨ នៅស្នាក់ការសសយកខេត្ត លោក តូច ប៉ូលីវ៉ា អនុប្រធានគណៈកម្មាធិការ សសយក ខេត្តស្វាយរៀង និងជាប្រធានក្រុមការងារអ្នកសង្កេតការណ៍ជាតិ សសយកខេត្ត រួមនិងលោក ទុំ សារាវុធ អនុប្រធានគណៈកម្មាធិការ សសយកខេត្ត តំណាងឯកឧត្តម ឌី វិជ្ជា ប្រធានគណៈកម្មាធិការ សសយក ខេត្តស្វាយរៀង បានអញ្ជើញចូលរួមប្រជុំត្រួតពិនិត្យ វឌ្ឍនភាពការងារ របស់អ្នក សង្កេតការណ៍ជាតិ សម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០១៨ ។

ក្នុងកិច្ចប្រជុំនេះដែរ ឯកឧត្តម ប្រធានក្រុមការងារអ្នកសង្កេត ការណ៍ជាតិ ខេត្ត បានធ្វើការរំលឹកអំពីការងារនេះនឹងបញ្ចប់ ត្រឹមថ្ងៃទី១៨ ខែតុលា ឆ្នាំ២០១៨ ហើយត្រូវពិនិត្យសង្កេតការណ៍ តាមកាលវិភាគរបស់ គជប ដែលបើកអោយមានការប្តឹងជំទាស់ ឬប្តឹងតវ៉ា រហូតដល់ការផ្តល់សុពលភាព និងប្រកាសផ្សាយបញ្ជីឈ្មោះបោះឆ្នោតផ្លូវការដោយ គជប នៅថ្ងៃទី៣១ ខែ ធ្នូ ឆ្នាំ២០១៨ ៕ ដោយ៖ភក្ដី