រដ្ឋបាលខេត្ត រៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តស្វាយរៀង លើកទី៥ អាណត្តិទី២ នៅវត្តពោធី៍ថ្មី ក្រុងបាវិត

(ស្វាយរៀង)៖ ក្រោមអធិបតីភាពឯកឧត្តម ជុំ ហាត ប្រធានក្រុមប្រឹក្សាខេត្ត និងឯកឧត្ដម ហែម ពិសិដ្ឋ អភិបាលរង នៃគណៈអភិបាលខេត្តស្វាយរៀង បានរៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តស្វាយរៀង លើកទី៥ អាណត្តិទី២ នៅវត្តពោធី៍ថ្មី សង្កាត់បាវិត ក្រុងបាវិត នៅថ្ងៃទី២០ ខែវិច្ឆិកា ឆ្នាំ២០១៨នេះ ព្រមទាំងវត្តមានអញ្ជើញចូលរួមពីសំណាក់ឯកឧត្ដមសមាជិកក្រុមប្រឹក្សាខេត្ត ប្រធានមន្ទីរ-អង្គភាពនានា ប្រធានក្រុមប្រឹក្សា និងសមាជិកក្រុមប្រឹក្សាក្រុង គណៈអភិបាលក្រុង នាយកទីចាត់ការ/ប្រធានអង្គភាពចំណុះសាលាខេត្ត តំណាងកងកម្លាំង ប្រធានការិយាល័យជំនាញនានាជុំវិញស្រុក លោក លោកស្រី ប្រធាន និងសមាជិកក្រុមប្រឹក្សាសង្កាត់ អង្គការសង្គមស៊ីវិល ព្រមទាំងប្រជាពលរដ្ឋនៅក្នុងក្រុងស្វាយរៀង ។

ម៉្យាងវិញទៀតគឺដើម្បីផ្ដល់ព័ត៍មានជូនប្រជាពលរដ្ឋ និងអ្នកពាក់ព័ន្ធអំពីការអភិវឌ្ឍន៍របស់ក្រុមប្រឹក្សាខេត្តសម្រាប់ឆ្នាំខាងមុខ ។ទន្ទឹមនោះផងដែរវេទិការនេះទទួលយកអនុសាសន៍ និងសំណូមពររបស់ប្រជាបលរដ្ឋ និងអ្នកដែរពាក់ពន្ធ័ដើម្បីធ្វើការពិភាក្សាឆ្លើយតបនិងដោះស្រាយជូនប្រជាពលរដ្ឋអោយទាន់ពេលវេលា ។វេទិកានេះបានពិភាក្សាគ្នាយ៉ាងផុសផុល ព្រមទាំងបានទទួលយកសំណូមពររបស់ប្រជាពលរដ្ឋ ដើម្បីរៀបចំធ្វើផែនការអភិវឌ្ឍន៍សម្រាប់ឆ្នាំ២០១៩ខាងមុខនេះ តាមតម្រូវការរបស់បងប្អូនប្រជាពលរដ្ឋដើម្បីមូលដ្ឋាន ភូមិឃុំស្រុក កាន់តែមានភាពរីកចម្រើន និងការអភិវឌ្ឍន៍ផងដែរ ។

ចំពោះប្រធានបទសំខាន់ៗមួយចំនួនដូចជា៖

 ១.ការអនុវត្តគោលនយោបាយភូមិ ឃុំ មានសុវត្ថិភាព(ផ្ដោតទៅលើបញ្ហាចរាចរណ៍ និងការប្រើប្រាស់គ្រឿងញៀនខុសច្បាប់)

២.ការងារអភិវឌ្ឍន៍មូលដ្ឋាន ការផ្ដល់សេវាសាធារណៈ ៣.ការធ្វើអត្តសញ្ញាណប័ណ្ណ ការងារអត្រានុកូលដ្ឋាន បរិស្ថាន អនាម័យ ជនអន្តោប្រវេសន៍ ការងារដីធ្លី និងការសាងសង់សំណង់ផ្សេងៗ ៕ ដោយ៖ភក្ដី