(ស្វាយរៀង)៖ ក្រោមអធិបភាពឯកឧត្ដម រស់ផារិទ្ធិ
អភិបាលរងខេត្តស្វាយរៀង តំណាងឯកឧត្ដមអភិបាលខេត្ត លោកជំទាវ ប្រាក់ ពុទ្ធី
សមាជិកាក្រុមប្រឹក្សាខេត្ត បានអញ្ជើញជាជាអធិបតីក្នុង វគ្គបណ្ដុះបណ្ដាលស្ដីពី
សេចក្ដីណែនាំគោលការណ៍ និងនីតិវិធី នៃការគ្រប់គ្រងបុគ្គលិករដ្ឋបាលថ្នាក់ក្រោមជាតិ
នៅថ្ងៃទី១៧ ខែធ្នូ ឆ្នាំ២០១៨នេះ និងមានការចូលរួមពី ប្រធានមន្ទីរមុខងារសាធារណៈ
លោកនាយករងរដ្ឋបាលខេត្ត លោកអភិបាល ក្រុង ស្រុក និងលោក
លោកស្រីដែលមានវត្តមានក្នុងវគ្គបណ្ដុះបណ្ដាល ជាច្រើនរូបទៀត ។
ឯកឧត្ដម រស់ ផារិទ្ធិ មានប្រសាសន៍ថា
ក្នុរការតែងតាំងមុខតំណែងគ្រប់គ្រង រដ្ឋបាលថ្នាក់ក្រោមជាតិមានសមត្ថកិច្ចនីមួយៗ
ត្រូវគោរពតាមគោលការណ៍នៃការបញ្រ្ជាបយេនឌ័រក្នុងវិស័យមុខងារសាធារណៈ
និងគោលការណ៍បរិយាប័ន្ន និងសមធម៌សង្គម
ហើយការតែងមុខតំណែងគ្រប់គ្រងត្រូវធ្វើឡើងដោយដីការបស់រដ្ឋបាលថ្នាក់ក្រោមជាតិមានសមត្ថកិច្ច
។
ផែនការយុទ្ធសាស្ត្រការបង្កើតចំនួនស្ដ្រីក្នុងមុខតំណែងគ្រប់គ្រងនៅរដ្ឋបាលថ្នាក់ក្រោមជាតិ
បានកំណត់ចំណុចទិសដៅក្នុងមុខតំណែងគ្រប់គ្រងរដ្ឋបាលខេត្ត ២២% (២០១៩)
និងនៅថ្នាក់ក្រុងស្រុក ២៧% (២០១៩) ។
ឯកឧត្ដមអភិបាលរងខេត្ត
បានបញ្ជាក់ផងដែរថាក្នុងកម្មវិធីជាតិត្រូវបានបែងចែកជា ៣ដំណាក់កាល ៖
- ដំណាក់កាលទី១ (២០១១-២០១៤)
មានគោលដៅបង្កើតរចនាសម្ព័ន្ធ និងប្រព័ន្ធអភិបាលកិច្ច ទាំងនៅថ្នាក់ក្រោមជាតិ
និងថ្នាក់ជាតិ ដើម្បីធានាដល់ការអនុវត្តគោលនយោបាយព្រមទាំងធានាដល់ប្រសិទ្ធភាព
និងស័ស័ក្តិសិទ្ធភាព នៃសេវាសាធារណៈដែលផ្ដល់ដោយរដ្ឋបាលថ្នាក់ក្រោមជាតិ ។
- ដំណាក់កាលទី២ (២០១៥-២០១៧) មានគោលដៅ ពង្រឹង
និងពង្រីករចនាសម្ព័ន្ធ និងប្រព័ន្ធ ដើម្បីធានាអោយរដ្ឋបាលថ្នាក់ក្រោមជាតិ
មានលទ្ធភាពដាក់ចេញ និងអនុវត្តគោលនយោបាយសម្រាប់មូលដ្ឋានរបស់ខ្លួន
សំដៅលើកកម្ពស់ការផ្ដល់ សេវាសាធារណៈ
និងការអភិវឌ្ឍន៍សេដ្ឋកិច្ចមូលដ្ឋានព្រមទាំងបង្កើតលទ្ធភាពដល់ប្រជាពលរដ្ឋ
ជាពិសេសស្រ្ដី និងក្រុមជនងាយរងគ្រោះក្នុងការទទួលបាននូវសេវាសាធារណៈ
និងការអភិវឌ្ឍន៍សេដ្ឋកិច្ចមូលដ្ឋាន ។
- ដំណាក់កាលទី៣ (២០១៨-២០២០) មានគោលដៅ
លើកកម្ពស់គុណភាព និងប្រសិទ្ធភាពក្នុងការផ្ដល់សេវាសាធារណៈ
និងការអភិវឌ្ឍន៍សេដ្ឋកិច្ចមូលដ្ឋាននៅរដ្ឋបាលរាជធានី ក្រុង ស្រុក និងឃុំ
(រដ្ឋាបាលមូលដ្ឋាន) តាមរយៈការអនុវត្តមុខងារជាអាណត្តិទូទៅ មុខងារដែរបានផ្ទេរទោអោយ
និងការផ្ដូចផ្ដើមគំនិតក្នុងការផ្ដល់សេវាសាធារណៈចាំបាច់នានាផ្សេងទៀត ៕ ដោយ៖ភក្ដី
No comments:
Post a Comment