(ស្វាយរៀង)៖
ក្រោមអធិបភាពលោកជំទាវ ឡាយ ណាវីន រដ្ឋលេខាធិការ
តំណាងដ៏ខ្ពង់ខ្ពស់ឯកឧត្ដមកិត្តិសេដ្ឋាបណ្ឌិត ចម ប្រសិទ្ធ
ទេសរដ្ឋមន្រ្តីក្រសួងឧស្សាហកម្ម និងសប្បកម្ម ឯកឧត្ដម ហែម ពិសិដ្ឋ
អភិបាលរងខេត្តស្វាយរៀង បានអញ្ជើញជាអធិបតីក្នុងពិធី
នៅថ្ងៃទី០៧ ខែធ្នូ
ឆ្នាំ២០១៨នេះ និងមានការចូលរួមពី លោក លោកស្រី ប្រធាន-អនុប្រធានមន្ទី
និងមន្ត្រីដែរពាក់ពន័ន្ធនានាជុំវិញខេត្ត ។មានប្រសាសន៍ក្នុងឱកាសនោះ លោកស្រី ឡាយ
ណាវីន
ក៍បានថ្លែងនូវអំណរគុណចំពោះថ្នាក់ដឹកនាំមន្ត្រីរាជការគ្រប់លំដាប់ថ្នាក់នៃមន្ទីរឧស្សាហកម្ម
និងសិប្បកម្មខេត្តស្វាយរៀង និងអង្គភាពរដ្ឋាករទឹកដែលកន្លងមកបានរួមសហការគ្នាបំពេញតួនាទីភារកិច្ចរបស់ខ្លួនយ៉ាងល្អប្រសើររួមចំណែកជាមួយរដ្ឋបាលខេត្តក្នុងការគាំទ្រដល់បរិយាកាសនៃការវិនិយោគនិងដំណើរការប្រព្រឹត្តទៅនៃសហគ្រាសធុនតូច
ធុនមធ្យមនិងសិប្បកម្មក្នុងខេត្តជាពិសេសក្នុងវិស័យទឹកស្អាតស្របតាមគោលនយោបាយដឹកនាំរបស់សម្តេចតេជោនាយករដ្ឋមន្ត្រី
ក្នុងការអភិវឌ្ឍវិស័យឧស្សាហកម្មនឹងការផ្គត់ផ្គង់ទឹកស្អាតជូនប្រជាពលរដ្ឋដែលទាំងអស់នេះគឺជាផ្នែកមួយដ៏សំខាន់មិនត្រឹមតែចូលរួមចំណែកក្នុងការលើកស្ទួយសេដ្ឋកិច្ចជាតិប៉ុណ្ណោះទេប៉ុន្តែក៏ចូលរួមចំណែកលើកកម្ពស់សុខុមាលភាព
ជីវភាពរស់នៅ និងកាត់បន្ថយភាពក្រីក្ររបស់ប្រជាពលរដ្ឋផងដែរ ។
ក្នុងឱកាសនោះផងដែរឯកឧត្ដម ហែម ពិសិដ្ឋ មានប្រសាសន៍ថា
ចំពោះមន្ត្រីរាជការក្នុងរចនាសម្ព័ន្ធនៃមន្ទីរឧស្សាហកម្ម និងសិប្បកម្មខេត្តស្វាយរៀង
ដែលត្រូវប្រកាសតែងតាំងប្រគល់ភារកិច្ចនិងផ្ទេរភារកិច្ចនៅថ្ងៃនេះដែលសុទ្ធសឹងជាមន្ត្រីធ្លាប់មានបទពិសោធន៍ការងារនិងមានស្នាដៃល្អក្នុងការបំពេញតួនាទីភារកិច្ចរបស់ខ្លួនហើយសូមឱ្យមន្ត្រីរាជការទាំងអស់គ្នាចាត់ទុកថានេះគឺជាកម្លាំងចលករជំរុញទឹកចិត្តឱ្យកាន់ខិតខំប្រឹងប្រែងដើម្បីកសាងបាននូវស្នាដៃនិងសមិទ្ធផលថ្មីៗបន្ថែមទៀតក្នុងភារកិច្ចនិងការទទួលខុសត្រូវរបស់ខ្លួននាពេលខាងមុខសម្រាប់បម្រើឱ្យផលប្រយោជន៍រួមរបស់អង្គភាព
។
សូមបញ្ជាក់ផងដែរថា៖
តាមដីកាស្តីពីការតែងតាំងប្រគល់ភារកិច្ចជូនមន្ត្រីរាជការរបស់រដ្ឋបាលខេត្តស្វាយរៀងលេខ
០៤៧/១៨ ដក.តត ចុះថ្ងៃទី៤ខែធ្នូឆ្នាំ២០១៨ សម្រចត្រូវបានតែងតាំងមន្ត្រីរាជការចំនួន
៣រូប នៅមន្ទីរឧស្សាហកម្ម និងសិប្បកម្មខេត្តស្វាយរៀង មានដូចជា៖
-ទី១. លោក ចាន់ វណ្ណសុខា
ឋានន្តរស័ក្កិវរមន្ត្រីថ្នាក់លេខ៤
នៃក្របខ័ណ្ឌមន្ត្រីគ្រប់គ្រងរដ្ឋបាលក្រសួងឧស្សាហកម្ម និងសិប្បកម្ម
ជាអនុប្រធានមន្ទីរឧស្សាហកម្មនិងសិប្បកម្មខេត្តស្វាយរៀង
-ទី២. លោក
កែវ ផល្លាសម្បត្តិ ឋានន្តរស័ក្កិ អនុមន្ត្រីថ្នាក់លេខ១
នៃក្របខ័ណ្ឌមន្ត្រីគ្រប់គ្រងរដ្ឋបាលក្រសួងឧស្សាហកម្មនិងសិប្បកម្ម
ជាប្រធានការិយាល័យទឹកស្អាត
-ទី៣. លោក លន់ ម៉ារ៉ាឌី ឋានន្តរស័ក្ក
ក្រមការថ្នាក់លេខ៤
នៃក្របខ័ណ្ឌមន្ត្រីក្រមការនៃក្របខ័ណ្ឌក្រសួងឧស្សាហកម្មនិងសិប្បកម្ម
ជាអនុប្រធានការិយាល័យស្តង់ដារ និងមាត្រាសាស្ត្រ
-ទី៤. ត្រូវបានប្រគល់ភារកិច្ចជូនលោកស្រី ទេព ពិសាល
ឋានន្តរស័ក្កិលេខាធិការរដ្ឋបាលថ្នាក់លេខ៤ នៃក្របខ័ណ្ឌលេខាធិការរដ្ឋបាល
ក្រសួងឧស្សាហកម្មនិងសិប្បកម្ម ជាអនុប្រធានការិយាល័យទឹកស្អាត
-ទី៥. ត្រូវបានផ្ទេរភារកិច្ចលោក អុឹម មេសា
ឋានន្តរស័ក្កិអនុមន្ត្រីថ្នាក់លេខ២ នៃក្របខ័ណ្ឌមន្ត្រីគ្រប់គ្រងរដ្ឋបាលក្រសួង
ឧស្សាហកម្មនិងសិប្បកម្ម ពីប្រធានការិយាល័យទឹកស្អាតជា ប្រធានអង្គភាពរដ្ឋាករទឹក
ខេត្តស្វាយរៀង។ជាចុងបញ្ចប់នៃកម្មវិធី លោកបានប្ដេជ្ញាចិត្តថា៖
ខិតខំបំពេញភារកិច្ចក្នុងតួនាទីអោយបានល្អប្រសើរ ចូលរួមសហការជាមួយបណ្ដារមន្ទីរ និងអាជ្ញាធរមូលដ្ឋានគ្រប់លំដាប់ថ្នាក់
ដើម្បីសម្របសម្រួលរាល់ការអនុវត្តន៍ភារកិច្ចអោយបានល្អ
ដើម្បីភាពរីកចំរើនការអភិវឌ្ឍន៍ជាបន្ដបន្ទាប់នៅក្នុងអង្គលោកផងដែរ ៕ ដោយ៖ភក្ដី
No comments:
Post a Comment