ពិធីបញ្ចុះបឋមសិលាសាសង់បុស្បុកតម្កល់ព្រះពុទ្ធបដិមា សាលាបឋមសិក្សាស្វាយជ្រំ ខេត្តស្វាយរៀង

(ស្វាយរៀង)៖ លោក ថន ថាវុទ្ធា អភិបាលរងស្រុក បានអញ្ជើញចូលរួមក្នុង ពិធីបញ្ចុះបឋមសិលាសាសង់បុស្បុកតម្កល់ព្រះពុទ្ធបដិមា សាលាបឋមសិក្សាស្វាយជ្រំ និងមានការចូលរួមពី លោក អ៊ឹម មេសា លោកនាយក-នាយករង លោកគ្រូអ្នកគ្រូ និងព្រះសង្ឃ នៅសាលាបឋមសិក្សាស្វាយជ្រំ ខេត្តស្វាយរៀង ។

លោកមានប្រសាសន៍ ផ្ដាំផ្ញើដល់សិស្សានុសិស្សទាំងអស់ត្រូវខិតខំសិក្សារៀនសូត្រ យកចិត្តទុកដាក់ក្រេបជញ្ជក់ចំណេះដឹងពីសំណាក់លោកគ្រូ អ្នកគ្រូ ប្រព្រឹត្តខ្លួនឲ្យក្លាយទៅជាកូនល្អ សិស្សល្អ មិត្តល្អ ត្រូវចៀសឲ្យឆ្ងាយពីគ្រឿងញៀន និងល្បែងស៊ីសងគ្រប់ប្រភេទ ដើម្បីក្លាយខ្លួនទៅជាទំពាំងស្នងឫស្សីដ៏រឹងមាំសម្រាប់ប្រទេសជាតិ និងជាមូលធនមនុស្សប្រកបដោយគុណភាព មានសក្ដានុពលសម្រាប់ការអភិវឌ្ឍសង្គមជាតិឲ្យមានការរីកចម្រើន ។

នៅចុងបញ្ចប់នៃពិធីក៏មានចែកអំណោយ ដល់ ចាស់ជរា លោកគ្រូអ្នកគ្រូ និងសិស្សានុសិស្ស រួមមាន ៖

- កុំព្យូទ័រចំនួន ២គ្រឿង

- ម៉ាស៊ីនព្រីនធ័រ ១គ្រឿង

- លោកគ្រូអ្នកគ្រូចំនួន ៣០នាក់ ក្នុងម្នាក់ៗទទួលបានថវិការ ១៥,០០០រៀល

- សិស្សានុសិស្សចំនួន ៦៤នាក់ ក្នុងម្នាក់ៗទទួលបានថវិកា ៤,០០០រៀល

- ចាស់ជរាចំនួន ១០នាក់ ក្នុង១ម្នាក់ៗទទួលបាន អង្ករ ២៥គក្រ ទឹកស៊ីអ៊ីវ ៦ដប ទឹកត្រី ៦ដប ភួយ ១ និងថវិការ ២០,០០០ រៀល សូមបញ្ជាក់ផងដែរថា ការសាសង់បុស្បុកតម្កល់ព្រះពុទ្ធបដិមា នៅសាលាបឋមសិក្សាស្វាយជ្រំ នេះថវិការដែរបានកសាងទាំងអស់សរុបចំនួន ជាង២ពាន់ដុល្លារ ៕ ដោយ៖ភក្ដី