ពិធីសម្ភោធ បណ្ណាល័យ-មណ្ឌលសិក្សា នៅរោងចក្រ ថបស្ព័តថេកស្ទាយ លីមីតធីត ក្រុងបាវិត

(ស្វាយរៀង)៖ លោក ឈុន យិថុង (Choon Yik Thong) អគ្គនាយកក្រុមហ៊ុន ថតស្ព័តថេកស្ទាយ បានអញ្ជើញចូលរួមក្នុង ពិធីសម្ភោធ បណ្ណាល័យ-មណ្ឌលសិក្សា នៅថ្ងៃទី២២ ខែមករា ឆ្នាំ២០១៩ និងមានការចូលរួមពី លោកនាយកសមាគមរោងចក្រកាត់ដេរនៅកម្ពុជា លោក ខេន លូ លោក កាំង ម៉ូនីកា លោក ហុក សុធី និងតំណាងតំបន់សេដ្ឋកិច្ចពិសេសមេនហាធេន និងភ្ញៀវកិត្តិយសចូលរួមជាច្រើននាក់ទៀតផងដែរ នៅក្នុង នៅរោងចក្រ ថបស្ព័តថេកស្ទាយ លីមីតធីត ក្រុងបាវិត ខេត្តស្វាយរៀង ។

នៅក្នុងពិធីសម្ភោធបណ្ណាល័យ-មណ្ឌលសិក្សានេះផងដែរ លោកអគ្គនាយកក្រុមហ៊ុន ឈុន យិថុង បានអោយដឹងថា៖ ធនធានមនុស្សយើង ចាំបាច់ណាស់ត្រូវតែមានការអភិវឌ្ឍន៍ ដូចច្នេះហើយទើបគាត់សម្រេចបង្កើត បណ្ណាល័យនៅក្នុងរោងចក្រ ថបស្ព័ត នេះឡើងដើម្បីចង់អោយកម្មករកម្មការិនី និងនិយោជិកទាំងអស់ មករៀនសូត្រ បង្កើតចំណេះដឹង និងអភិវឌ្ឍន៍ខ្លួនរបស់ពួកគាត់អោយមានភាពរីកចម្រើន ។

ហើយលោកអគ្គនាយកក្រុមហ៊ុន បានបន្តថា៖ ទោះបីជាយ៉ាងណាលោក លើកទឹកចិត្តអោយកម្មករកម្មការិនី និងនិយោជិកទាំងអស់ ត្រូវតែចូលរួមសិក្សាស្រាវជ្រាវនូវចំណេះដឹងផ្សេងៗពីបណ្ណាល័យនេះ ដើម្បីបង្កើតសមត្ថភាព និងចំណេះដឹងរបស់ខ្លួន អោយមានភាពរីកចំរើន ។

នៅក្នុងឱកាសនោះដែរ លោក ហុក សុធី ប្រធានអង្គការស៊ីហ្វា បានអោយដឹងថា៖ មូលហេតុដែរយើងបង្កើតបណ្ណាល័យ នៅក្នុងរោងចក្រ ពីព្រោះយើងមើលឃើញហើយថានៅរោងចក្រ មានមនុស្សច្រើនណាស់ ហើយពួកគាត់សុទ្ធតែមកពីតាមស្រុកស្រែជនបទឆ្ងាយៗ ជាពិសេសពួកគាត់មិនសូវមានចំណេះដឹងជ្រៅជ្រះ ទើបយើងសម្រេចបង្កើតបណ្ណាល័យ-មណ្ឌលសិក្សា នៅទីនេះដើម្បីអោយពួកគាត់ បានចូលមើលចូលអាន និងសិក្សាស្រាវជ្រាវបង្កើតសមត្ថភាព និងចំណេះដឹងរបស់ពួកគាត់ ។

លោក ហុក សុធី បានបន្តទៀតថា៖ ការបង្កើតបណ្ណាល័យ-មណ្ឌលសិក្សា នៅតាមរោងចក្រនេះបង្កើតបានចំនួន១៩កន្លែងមកហើយ នៅក្នុងរយៈពេល១៣ឆ្នាំមកនេះ។

លោកក៏បានសំណូមពរអោយមានការបង្កើតបណ្ណាល័យ-មណ្ឌលសិក្សា នៅតាមរោងចក្រដទៃទៀត ដើម្បីអោយកម្មករកម្មការិនី និងនិយោជិកទាំងអស់បង្កើតសមត្ថភាព និងចំណេះដឹង អោយមានភាពរីកចំរើន និងការអភិវឌ្ឍន៍ខ្លួនរបស់ពួកគាត់ផងដែរ ៕ ដោយ៖ភក្ដី