ប្រជុំបូកសរុបលទ្ធផលការងារប្រចាំឆ្នាំ២០១៨ និងទៅការងារឆ្នាំ២០១៩ របស់មន្ទីរកិច្ចការនារីខេត្តស្វាយរៀង

(ស្វាយរៀង)៖ ក្រោមអធិបភាពលោកស្រី ចន្ទ សេង សមាជិកាក្រុមប្រឹក្សាខេត្ត បានអញ្ជើញចូលរួមក្នុងកិច្ចប្រជុំបូកសរុបលទ្ធផលការងារប្រចាំឆ្នាំ២០១៨ និងទៅការងារឆ្នាំ២០១៩ របស់មន្ទីរកិច្ចការនារីខេត្តស្វាយរៀង នៅរសៀលថ្ងៃទី០៣ ខែមករា ឆ្នាំ២០១៩ និងមានការចូលរួមពីលោកស្រី ទុំ សារានី ប្រធានមន្ទីរកិច្ចការនារីខេត្ត លោកស្រីវរសេនីយ៍ឯក កែវ សាក់ ស្នងការរងនគបាលខេត្ត លោក លោកស្រី ប្រធាន-អនុប្រធានមន្ទីរនានាជុំវិញខេត្ត ។

គោលបំណងនៃកិច្ចប្រជុំនេះគឺដើម្បីធ្វើការត្រួតពិនិត្យ លទ្ធផលអនុវត្តន៍ការងារឆ្នាំ២០១៨ ជាពិសេសពិនិត្យលើបញ្ហាបករឈមនានា ព្រមទាំងរកដំណោះស្រាយ ។

ចូលរួមពិភាក្សារកវិធានការដំណោះស្រាយរួមគ្នា និងរៀបចំសកម្មភាពការងារអនុវត្តន៍បន្តក្នុងឆ្នាំ២០១៩ អោយទទួលបានជោគជ័យ ។បង្កើនការផ្ដល់សេវាសង្គមដល់ស្រ្ដី និងកុមារីអោយស្របទៅនឹងគោលនយោបាយរបស់រាជរដ្ឋាភិបាលកម្ពុជា ក្នុងការលើកកម្ពស់សិទ្ធិរបស់ស្រ្ដី និងកុមារី ហើយការអនុវត្តន៍សកម្មភាពចម្បងដោយផ្ដោតសំខាន់លើផែនការយុទ្ធសាស្ត្រនារីរតនៈ លើវិស័យទាំង៦រួមមាន៖

១- ការផ្ដល់ភាពអង់អាចសេដ្ឋកិច្ចដល់ស្រ្ដី និងកុមារ ។

២- ការអប់រំស្រ្ដី និងក្មេងស្រី ការផ្លាស់ប្ដូរឥរិយាបថ ។

៣- សុខភាពអារហាររូបត្ថមសម្រាប់ស្ដ្រី និងកុមារីក្នុងការទប់ស្កាត់ការរីករាលដាល នៃមេរោគអេដស៍ និងជម្ងឺអេដស៍ ។

៤- កិច្ចការផ្លូវច្បាប់សម្រាប់ស្រ្ដី និងកុមារី ។

៥- ស្រ្ដីក្នុងការធ្វើសេចក្ដីសម្រេចចិត្ត និងបញ្រ្ជាបយេនឌ័រក្នុងគោលនយោបាយ និងកំណែទម្រង់របស់រាជរដ្ឋាភិបាល ។

៦- យេនឌ័រ និងការបម្រែបម្រួលអាកាសធាតុ ការអភិវឌ្ឍន៍បៃតង និងការគ្រប់គ្រងគ្រោះមហន្តរាយ ។

សូមបញ្ជាក់ថា៖ មន្ទីរកិច្ចការនារីខេត្តស្វាយរៀងបានចូលរួមមធ្វើសកម្មភាពសង្គមក្នុងការលើកម្ពស់សីលធម៌សង្គម សិទ្ធិរបស់ស្រ្ដី និងកុមារី ។ ប៉ុន្តែនៅឆ្នាំ២០១៨ក៏នៅតែមានបញ្ហាជួបប្រទដូចជា ករណីរំលោភបំពានផ្លូវភេទលើស្រ្ដី និងកុមារ អំពីហឹង្សាក្នុងគ្រួសារនៅតែកើតមានឡើង បញ្ហាគ្រោះថ្នាក់ចរាចរណ៍ ការធ្វើចំនាកស្រុក និងការប្រើប្រាស់គ្រឿងញៀននៅតែកើតមានឡើងផងដែរ ៕ ដោយ៖ភក្ដី