លោក ម៉ែន វិបុល អភិបាលខេត្តស្វាយរៀង បាអំពាវនាវដល់បងប្អូនប្រជាពលរដ្ឋទាំងអស់ ដែលជាប់ខ្សែស្រឡាយចិន-វៀតណាម បង្កើនការប្រុងប្រយ័ត្នខ្ពស់ចំពោះគ្រោះអគ្គីភ័យ ថ្ងៃសែនចូលឆ្នាំប្រពៃណីចិន-វៀតណាម ដែលមានរយះពេល៤ថ្ងៃ

(ស្វាយរៀង)៖ ឯកឧត្តមអភិបាលខេត្តស្វាយរៀងអំពាវនាវដល់បងប្អូនប្រជាពលរដ្ឋទាំងអស់ដែលជាប់ខ្សែស្រឡាយចិន-វៀតណាម បង្កើនការប្រុងប្រយ័ត្នខ្ពស់ចំពោះគ្រោះអគ្គីភ័យ នាឱកាសសែនព្រេនថ្ងៃចូលឆ្នាំថ្មីប្រពៃណីចិន-វៀតណាម មិនដល់មួយសប្តាហ៍ទៀតទេថ្ងៃបុណ្យចូលឆ្នាំថ្មីប្រពៃណីជាតិចិន-វៀតណាម និងចូលមកដល់ហើយ បើយើងសង្កេតមើលតាមបណ្តាផ្សារទីប្រជុំជនក្រុង-ស្រុកនានាក្នុងខេត្តស្វាយរៀង មានការដាក់តាំងលក់គោមក្រដាសសែន និងបណ្តាពាក្យស្លោកដែលយកបិតតាំងលំំអរតាមគេហដ្ឋាន និងគ្រឿងឧភោគបរិភោគចម្រុះជាច្រើនមុខទៀត ហើយដាក់លក់ក្នុងឱកាសបុណ្យចូលឆ្នាំថ្មីប្រពៃណីចិន-វៀតណាម ។

លោកអភិបាលខេត្ត បាអំពាវនាវដល់បងប្អូនប្រជាពលរដ្ឋទាំងអស់  ដែលជាប់ខ្សែស្រឡាយចិន-វៀតណាម បង្កើនការប្រុងប្រយ័ត្នខ្ពស់ចំពោះគ្រោះអគ្គីភ័យ នៅឱកាសសែនព្រេនថ្ងៃចូលឆ្នាំប្រពៃណីចិន-វៀតណាម ដែលមានរយះពេល៤ថ្ងៃ ចាប់ពីថ្ងៃទី​៤-៥-៦-៧ ខែកុ​ម្ភៈ ឆ្នាំ​២០១៩​ខាងមុខនេះ​ផងដែរ ។

លោក ម៉ែន វិបុល បានធ្វើការស្នើរដល់ប្រជាពលរដ្ឋទាំងអស់ ត្រូវមានការប្រុងប្រយ័ត្នខ្ពស់ចំពោះគ្រោះអគ្គីភ័យ ដែលអាចកើតមានឡើងជាយថាហេតុជាពិសេសដោយសារ៖ ភ្លើងធូប ភ្លើងទាន ភ្លើងចង្ក្រាន ភ្លើងអគ្គីសនី និងការដុតក្រដាសសែនព្រេនជាដើម។ ល។

ម្យ៉ាងទៀតត្រូវចូលរួមគោរពច្បាប់ចរាចរណ៍ផ្លូវគោក រាល់ពេលធ្វើដំណើរត្រូវពាក់មួកសុវត្ថិភាព បើកបររថយន្តត្រូវដាក់ខ្សែក្រវ៉ាត់ និងរាល់ពេលបើកបរកុំពិសារគ្រឿងស្រវឹង នឹងត្រូវជៀសវាងអោយឆ្ងាយពីគ្រឿងញៀនផងដែរ ៕ដោយ៖ភក្ដី