លោកអភិបាលខេត្តស្វាយរៀង ផ្តួចផ្តើមឲ្យមានសង្ក្រាន្តវិទ្យាល័យ ឬបុណ្យវិទ្យាល័យស្វាយរៀង

(ស្វាយរៀង)៖ នៅថ្ងៃនេះដែរវិទ្យាល័យស្វាយរៀងបានធ្វើពិធីសង្ក្រាន្តវិទ្យាល័យ ដើម្បីអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ ដែលនិងឈានចូលមកដល់ពេលខាងមុខនេះ នៅថ្ងៃទី៣១ ខែមីនា ឆ្នាំ២០១៩នេះ នៅវិទ្យាល័យស្វាយរៀង ស្ថិតក្នុងក្រុងស្វាយរៀង បានរៀបចំកម្មវិធីសង្ក្រាន្តវិទ្យាល័យ ឬបុណ្យវិទ្យាល័យស្វាយរៀង ដោយមានការគាំទ្រពីលោក ម៉ែន វិបុល អភិបាលខេត្តស្វាយរៀង និងមានផ្តួចផ្តើមឧបត្ថម្ភពីសមាគមន៍អតីតសិស្សវិទ្យាល័យ រៀបចំកម្មវិធីនេះឡើងជាលើកទី២ហើយ ឆ្នាំនេះធំជាងឆ្នាំមុនទៀតដែលមានអ្នកចូលរួមចំនួន៣១០៥នាក់ ដែលបង្កអោយមានភាពសប្បាយរីករាយជូនដល់សិស្សានុសិស្សនៅវិទ្យល័យស្វាយរៀង ។

ពិធីនេះក៏មានការតាំងពិពណ៌នូវសិល្បៈវប្បធម៌ របៀបប្រពៃណីខ្មែរ និងល្បែងប្រជាប្រិយជាច្រើនមុខ ដែលមានការគាំទ្របច្ចេកទេស របាំពីខាងសហភាពសហព័ន្ធយុវជនកម្ពុជាខេត្តស្វាយរៀង បង្រៀននិងរៀបចំផងដែរក្នុងគោលបំណងចង់អោយសិស្សានុសិស្ស ចេះគោរពស្រលាញ់គ្នាសាមគ្គីភាពផ្ទៃក្នុង គ្រប់គ្រងគ្នាអោយធ្វើអំពើល្អ កុំប្រព្រឹត្តល្បែងពាលាអាវ៉ាសែ ហើយត្រូវជៀសវាងអោយឆ្ងាយពីគ្រឿងញៀន ដែលសង្គមស្អប់ខ្ពើម និងអំពើខុសច្បាប់ ។

បញ្ចាក់៖ បើចង់ដឹងច្បាស់សូមទស្សនាកិច្ចសម្ភាសន៍ និងវីដេអូទិដ្ឋភាពទាំងស្រុង ៕ ដោយ៖ភក្ដី