Sunday, March 31, 2019

Home ព័ត៌មានជាតិ កម្មវីធីសប្បុរសធម៌BNI នៅសាលាបឋមសិក្សា និងអនុវិទ្យាល័យទួលស្តី ស្រុកចន្ទ្រា ខេត្តស្វាយរៀង

កម្មវីធីសប្បុរសធម៌BNI នៅសាលាបឋមសិក្សា និងអនុវិទ្យាល័យទួលស្តី ស្រុកចន្ទ្រា ខេត្តស្វាយរៀង

មន្ទីរព័ត៌មានខេត្តស្វាយរៀង 3/31/2019 08:40:00 PM ព័ត៌មានជាតិ,

(ស្វាយរៀង)៖ នៅថ្ងៃទី៣០ ខែមីនា ឆ្នាំ២០១៩ អនុវិទ្យាល័យទួលស្តី ដែលស្ថិតនៅក្នុង ភូមិទួលស្តី ឃុំទួលស្តី ស្រុកចន្ទ្រា ខេត្តស្វាយរៀង ដែលជាតំបន់ ធ្លាប់តែជួបការលំបាកកន្លងមក ប៉ុន្តែពេលនេះ អនុវិទ្យាល័យ បាននឹងកំពុងតែអភិវឌ្ឍ នៅសមិទ្ធិផលជាច្រេីន ប្លែកៗជាងឆ្នាំកន្លងមក ដោយបានទទួលជំនួយពីក្រុមហ៊ុន BNI ដែលមានឈ្មោះពេញថា កម្មវីធីសប្បុរសធម៌ សមាជិកបណ្តាញធុរកិច្ចអន្តរជាតិកម្ពុជា ប៊ីអិនអាយ ដាយណាមិក ។

BNI បានកសាង អណ្តូងទឹកស្អាត សួនច្បារនៅមាត់ផ្លូវច្រកចូល របងសាលា អំពូលភ្លើងសូឡា កុំព្យូទ័រលែបថប១គ្រឿង ព្រមទាំង បង្កើតកម្មវីធីឱ្យមានការជួបជុំ ជាមួយ ប្អូនៗ សិស្សានុសិស្សទាំងពីរភូមិសិក្សា ព្រមទាំងចែកសម្ភារ:សិក្សា ដែលសិស្សម្នាក់ទទួលបាន កាតាបស្ពាយ១ សៀវភៅ២ក ប៊ិចខៀវក្រហម៣ដើម ខ្មៅដៃ១ ជ័រលុប១ ប្រដាប់ចិតខ្មៅដៃ១ នឹងមានភោជនាអាហារឱ្យប្អូនៗសិស្សានុសិស្ស ហូបជុំគ្នា ។

កម្មវិធីនេះ មានការចូលរួមពីលោល តូច ប៉ូលីវ៉ា អភិបាលរងខេត្ត លោក ហួត ឃាងវេង ប្រធានក្រុមការងារ សសយកស្រុកចន្ទ្រា និងក្រុមការងារ សសយកខេត្ត បានសហការជាមួយគ្នាចូលរួមសម្រួល នឹងផ្ដល់ភាពងាយស្រួល ដល់ម្ចាស់ជំនួយ និងសិស្សានុសិស្សផងដែរ ចំពោះថវិកាទាំងអស់ក្នុងការចំណាយក្នុងកម្មវិធីនិងថវិកាទិញសម្ភារដាក់សាលា ៩៤៩០ដុល្លារ និង៩០០០០០រៀល ៕ ដោយ៖ភក្ដី