សម្ពោធដាក់អោយប្រើប្រាស់ផ្លូវលំមួយខ្សែ ជាផ្លូវការដែរស្ថិតនៅភូមិសាលាស្រុកចាស់ និងភូមិព្រៃឆ្លាក់ ក្រុងស្វាយរៀង

(ស្វាយរៀង)៖ នៅថ្ងៃទី២៥ ខែមេសា ឆ្នាំ២០១៩ លោក តូច ប៉ូលីវ៉ា អភិបាលខេត្តស្វាយរៀង បានចូលរួមជាគណអធិបតី ក្នុងកម្មវិធីបើក ”សម្ពោធផ្លូវលំជាផ្លូវការ” ស្ថិតនៅភូមិសាលាស្រុកចាស់ និងភូមិព្រៃឆ្លាក់ ក្នុងសង្កាត់ព្រៃឆ្លាក់ ក្រុងស្វាយរៀង ខេត្តស្វាយរៀង ក្នុងនោះមានការចូលរួមពីលោកប្រធានក្រុមប្រឹក្សាក្រុងស្វាយរៀង លោកអភិបាលរងក្រុងស្វាយរៀង លោកនាយករដ្ឋបាលសាលាក្រុងស្វាយរៀង លោកអធិការនគរបាលក្រុង លោកមេបញ្ជាការមូលដ្ឋានកងរាជអាវុធហត្ថក្រុង លោកមេបញ្ជាការផ្នែកសឹករងក្រុង លោកស្រីប្រធាន សសយកក្រុង លោកចៅសង្កាត់ព្រៃឆ្លាក់ សមាជិកក្រុមប្រឹក្សាសង្កាត់ និងមេភូមិគ្រប់ភូមិក្នុងសង្កាត់ព្រៃឆ្លាក់ លោកតា លោកយាយនិងបងប្អូនប្រជាពលរដ្ឋដែលរស់នៅទីនោះផងដែរ ។

លោកអភិបាលរងខេត្ត បានសំណេះសំណាលសួរសុខទុក្ខបងប្អូនប្រជាពលរដ្ឋ និងលោកតាលោកយាយដែលរស់នៅទីនោះថា៖ ថ្ងៃនេះខ្ញុំមានក្ដីសោមនស្សរីករាយឥតឧបមា នឹងមានកិត្តិយសដ៏ខ្ពង់ខ្ពស់បំផុត ដែលបានចូលរួមជាគណៈអធិបតី ក្នុងកម្មវិធីបើក ”សម្ពោធផ្លូវលំ ជាផ្លូវការ” ដែលផ្លូវលំមាន ១ខ្សែមានប្រវែង ១១៥ម៉ែត្រ និងដាក់អោយប្រព័ន្ធលូបង្ហូទឹកទំហំ ៦០ស.ម ដើម្បីតភ្ជាប់ផ្លូវលំ ភូមិសាលាស្រុកចាស់ និងភូមិព្រៃឆ្លាក់ ក្នុងសង្កាត់ព្រៃឆ្លាក់ ក្រុងស្វាយរៀង ខេត្តស្វាយរៀង នេះជាសមិទ្ធិផលថ្មីមួយទៀតនៅក្នុងមូលដ្ឋានរបស់យើង ។

ដោយសារមើលឃើញ ពីផលលំបាកក្នុងការធ្វើដំណើររបស់ប្រជាពលរដ្ឋ ទើបលោកយឹម បូរីយុទ្ធ និងភរិយា ព្រមទាំងបងប្អូនប្រជជនក្នុងភូមិ ដោយមានការសម្របសម្រួលជាមួយភាគីពាក់ព័ន្ធ នឹងអាជ្ញាធរមូលដ្ឋានក្នុងសង្កាត់នោះ ។

នេះក៏សបញ្ជាក់ពីការយកចិត្តទុកដាក់របស់អាជ្ញាធរមូលដ្ឋានក្នុងការចូលរួម និងបម្រើផលប្រយោជន៍ជូនប្រជាពលរដ្ឋ ដែលកើតមកពីសុខសន្តិភាពក្រោមការដឹកនាំដ៏ឆ្លាសវៃរបស់សម្ដេចអគ្គមហាសេនាបតីតេជោ ហ៊ុន សែន ។

សូមអរគុណនូវសន្ដានចិត្តជ្រះថ្លា ចំពោះសមិទ្ធិផលថ្មី ផ្លូវលំ ១ខ្សែសម្រាប់បម្រើសេចក្ដីត្រូវការជូនប្រជាពលរដ្ឋនៅមូលដ្ឋាន និងសាធារណៈបានប្រើប្រាស់ទាន់ពេលវេលា ម្យ៉ាងទៀត ក៏សូមអរគុណដល់បងប្អូនប្រជាពលរដ្ឋដែលរស់នៅសងខាងដងផ្លូវដែលបានលះបង់ដីចំណីថ្នល់ផ្ទាល់ តាមមុខដីរៀងៗខ្លួនដើម្បីដាក់លូនិងបានឈួសឆាយផ្លូវ ព្រមទាំងអាជ្ញាធរពាក់ព័ន្ធដែលបានជួយគាំទ្រនិងសម្របសម្រួលទើបទទួលបានការជោគជ័យក្នុងការធ្វើផ្លូវមួយនេះ ៕ ដោយ៖ភក្ដី