គួរអោយសង្វេគណាស់! ជីដូននិងចៅ ផ្ទុះគ្រាប់បែកសល់ពីសង្គ្រាមស្លាប់ភ្លាមៗ នៅឃុំសំបូរ ស្រុកស្វាយទាប

(ស្វាយរៀង): មានករណីផ្ទុះគ្រាប់បែកសល់ពីសង្គ្រាមស្លាប់២នាក់ យាយនិងចៅ កាលពីវេលាម៉ោងជាង៩ព្រឹកថ្ងៃទី១០ ខែមិថុនា ឆ្នាំ២០១៩នេះ មានករណីផ្ទុះគ្រាប់បែកសល់ពីសម័យសង្គ្រាម នៅផ្ទះទិញលក់អេតចាយមួយកន្លែង នៅភូមិសំបូរ ឃុំសំបូរ ស្រុកស្វាយទាប ខេត្តស្វាយរៀង ។

មន្ដ្រីនគរបាលស្រុកស្វាយទាបបានប្រាប់ឲ្យដឹងថា: ហេតុការណ៍ផ្ទុះគ្រាប់បែកនេះ បណ្ដាលឲ្យស្លាប់មនុស្ស២នាក់ភ្លាមៗ នៅកនែ្លងកើតហេតុ ដោយម្នាក់ជាជីដូន និងម្នាក់ទៀតជាចៅ ។

-ទី១៖ឈ្មោះ ផង់ សុភី ភេទស្រី អាយុ៦៥ឆ្នាំ ត្រូវជាយាយ

-ទី២៖ឈ្មោះ ឃួន បញ្ញា ភេទប្រុស អាយុ១០ឆ្នាំ ត្រូវជាចៅ អ្នកទាំងពីរមានទីលំនៅកើតហេតុខាងលើ ។

សម្រាប់មូលហេតុដែលនាំឲ្យមានហេតុការណ៍នេះ សមត្ថកិច្ចមិនទាន់បញ្ជាក់ឲ្យដឹងនៅឡើយទេ ពោលនៅពេលនេះកំពុងចុះស្រាវជ្រាវនៅកន្លែងកើតហេតុ ។

ប្រជាពលរដ្ឋរស់នៅជិតគ្មាបានឱយដឹងថា: គ្រាប់បែកនោះនៅក្នុងកេះក្រោមជង្រុកស្រូវជនគ្រោះ មិនដឹងមានកាលណាមកទេ តែយាយរើឃើញក៏យកមកដំក្នុងបំណងលក់អោយអេតចាយ ចំណែកចៅកំពុងតែយោលប្អូននៅក្នុងផ្ទះ ស្រាប់តែលឺយាយដំពូកៗៗ រត់មកមើលហើយក៏ផ្ទុះទូងស្លាប់ទាំងយាយទាំងចៅយ៉ាងអាណោយអាធម៌បាត់ទៅ ៕ ដោយ:ភក្តី