នាយឧត្តមសេនីយ៍ មុឹង សំផន និងលោកស្រី ប្រគេនទៀនវស្សាដល់វត្តចំនួន៣ នៅស្រុកចន្ទ្រា

(ខេត្តស្វាយរៀង)៖ នៅថ្ងៃទី​ទី១៦ ខែកក្កដា ឆ្នាំ​២០១៩​ លោក​នាយឧត្តមសេនីយ៍ មុឹង សំផន រដ្ឋលេខាធិការក្រសួងការពារជាតិនិងជាប្រធានក្រុមការងារគណបក្សប្រជាជនកម្ពុជាចុះជួយក្រុងបាវិត និងស្រុកចន្ទ្រា បានមានប្រសាសន៍ថាៈ គ្មានសម័យណាដែលមានសន្តិភាពនិងការអភិវឌ្ឍដូចសម័យតេជោសែនទេ ដែលជាសម័យរុងរឿងប្រជាពលរដ្ឋមានសិទ្ធគ្រប់បែបយ៉ាងក្នុងការប្រកបរបរសុីធ្វើឲ្យជីវភាពបានធូរធារស្ទើរតែគ្រប់ក្រុមគ្រួសារ កំណើនសេដ្ឋកិច្ចកើនដល់៧ភាគរយ ប្រាក់ចំណូលជាមធ្យមសម្រាប់ពលរដ្ឋម្នាក់កើនដល់ជាង២ពាន់ដុល្លាអាមេរិក មានសម្តេចតេជោហ៊ុន សែនគឺការពារមិនឲ្យមានសង្គ្រាមជាដាច់ខាត ។

លោកនាយឧត្តមសេនីយ មុឹង សំផន បានមានប្រសាសន៍បន្តថាៈ បុណ្យ​ចូល​ព្រះវស្សា គឺ​ចាប់ផ្តើម​ពីថ្ងៃ​១​រោច ខែអាសាឍ ដល់​ថ្ងៃ​១៥​កើត ខែអស្សុជ មាន​រយ​: ពេល​៣​ខែ ដែល​ពុទ្ធ​បរិ​ស័​ទ្ធ បងប្អូន​ខ្មែរ​យើង​គោរព​ប្រតិបត្តិ​ជា​រៀង​រហូតមក ។ បច្ចុប្បន្ននេះ​វិស័យ​ព្រះពុទ្ធសាសនា មានការ​រីកចម្រើន​គួរអោយកត់សម្គាល់ ក្រោម​ការដឹកនាំ​របស់​សម្តេច​តេ​ជោ ហ៊ុនសែន នា​យក​រដ្ឋមន្ត្រី​នៃ​ព្រះរាជាណាចក្រ​កម្ពុជា បាន​អភិវឌ្ឍន៍​ប្រទេសជាតិ​ពី​បាទ​ដៃទទេ ដោយ​ចាប់​ផ្តើមកសាង​និង​ជំរុញ​ការអភិវឌ្ឍន៍​អោយមាន​ការរីកចម្រើន​ដូច​សព្វថ្ងៃនេះ ។

ចំពោះទៀន​ព្រះវស្សា និង​ទេយ្យវត្ថុ ដែល​ប្រគេន ដល់​ព្រះសង្ឃ​ដែល​គង់​ចាំ​ព្រះ វស្សា​នៅ​វត្តចំនួន៣ នៅក្នុងឃុំសំរោងស្រុកចន្ទ្រា មានវត្តស្វាយថ្លឹង វត្តអង្គរំដេញ និងវត្តបទុមរង្សីហៅវត្តចេក រួមមានគ្រឿងឧបភោគ បរិភោគ ទៀនវស្សាមួយគូរនិងបច្ច័យរបស់លោក មុឹង សំផន និងលោកស្រី១លានរៀលក្នុងមួយវត្ត និងបច្ច័យបន្ថែមពីក្រុមការងារចំនួន១៥មុឺនរៀលក្នុងវត្ត ព្រមទាំងប្រគេនបច្ច័យដល់ព្រះសង្ឃក្នុងមួយអង្គ១០មុឺនរៀល ហើយខណៈពេលជួបជាមួយបងប្អូនប្រជាពលរដ្ឋនៅឃុំសំរោង នាឱកាសនោះលោកមុឹង សំផន និងលោកស្រី ក៏បានរៀបចំពិធីពិសារនំបញ្ចុកសាមគ្គី ៕ ដោយ:អ៊ុងភក្តី