ក្រុមការងារថ្នាក់ជាតិចុះមូលដ្ឋានឃុំថ្នាធ្នង់ ប្រគេនទៀនវស្សា និងទេយ្យទាន ជូនព្រះសង្ឃគង់ចាំព្រះវស្សា ចំនួន៥វត្ត ដែលស្ថិតនៅឃុំថ្នាធ្នង់

(ស្វាយរៀង): ថ្ងៃទី១៩ ខែកក្កដា ឆ្នាំ២០១៩ លោក តូច ប៉ូលីវ៉ា អភិបាលរងខេត្ត និងជាអនុប្រធានក្រុមការងារថ្នាក់ជាតិចុះមូលដ្ឋានស្រុករំដួល និងជាប្រធានក្រុមការងារថ្នាក់ជាតិ ចុះមូលដ្ឋានឃុំថ្នាធ្នង់ បានដឹកនាំក្រុមការងារថ្នាក់ជាតិចុះមូលដ្ឋានឃុំថ្នាធ្នង់ បានដឹកនាំធ្វើពិធីបុណ្យប្រគេនទៀនវស្សា និងទេយ្យទាន ជូនព្រះសង្ឃគង់ចាំព្រះវស្សា ចំនួន៥វត្ត ដែលស្ថិតនៅឃុំថ្នាធ្នង់ ។

លោក តូច ប៉ូលីវ៉ា បានមានប្រសាសន៍ថា: បច្ចុប្បន្ននេះ​វិស័យ​ព្រះពុទ្ធសាសនា មានការ​រីកចម្រើន​គួរអោយកត់សម្គាល់ ក្រោម​ការដឹកនាំ​របស់​សម្តេច​តេ​ជោ ហ៊ុនសែន នា​យក​រដ្ឋមន្ត្រី​នៃ​ព្រះរាជាណាចក្រ​កម្ពុជា បាន​អភិវឌ្ឍន៍​ប្រទេសជាតិ​ពី​បាទ​ដៃទទេ ដោយ​ចាប់​ផ្តើមកសាង​និង​ជំរុញ​ការអភិវឌ្ឍន៍​អោយមាន​ការរីកចម្រើន​ដូច​សព្វថ្ងៃនេះ ។

 

ហើយគ្មានសម័យណាដែលមានសន្តិភាព និងការអភិវឌ្ឍដូចសម័យតេជោសែនទេ ដែលជាសម័យរុងរឿងប្រជាពលរដ្ឋមានសិទ្ធគ្រប់បែបយ៉ាងក្នុងការប្រកបរបរសុីធ្វើឲ្យជីវភាពបានធូរធារស្ទើរតែគ្រប់ក្រុមគ្រួសារ កំណើនសេដ្ឋកិច្ចកើនដល់៧ភាគរយ ប្រាក់ចំណូលជាមធ្យមសម្រាប់ពលរដ្ឋម្នាក់កើនដល់ជាង២ពាន់ដុល្លាអាមេរិក មានសម្តេចតេជោហ៊ុន សែនគឺការពារមិនឲ្យមានសង្គ្រាមជាដាច់ខាត ។

ទៀន​ព្រះវស្សា និង​ទេយ្យវត្ថុ ដែល​ប្រគេន ដល់​ព្រះសង្ឃ​ដែល​គង់​ចាំ​ព្រះ វស្សវស្សានៅវត្តចំនួន៥វត្ត រួមមានវត្តសិរីវង្ស វត្តថ្នា វត្តធ្នង់ វត្តរំញង និងវត្តព្រែកពក ដោយក្នុង១វត្តមាន ទៀនវស្សា១គូ,អង្ករ៥០គីឡូ,មីខ្លាឃ្មុំក្រហម ១កេស,ទឹកផ្លែឈើ១កេស,ទឹកបរិសុទ្ធvital ១កេស,ទឹកត្រី ១យួរ,ទឹកស៊ីអ៉ីវ១យួរ,ត្រីខ១យួរ,ប្រេងឆា ៥លីត្រ,សាប៊ូលាងចាន៤គីឡូ និងថវិកាចំនួន ២០០,០០០៛  ជាការចូលរួមចំណែករបស់ក្រុមការងារថ្នាក់ជាតិចុះមូលដ្ឋានឃុំថ្នាធ្នង់ក្នុងការកសាងក្នុងវិស័យពុទ្ធចក្រផងដែរ ៕ ដោយ:អ៊ុង ភក្តី