ពិធីសម្ពោធឆ្លងបុស្បបុក អភិសេកព្រះបរមរូបជ័យវរ្ម័នទី៧ វេទេយ្យទានព្រះវស្សាប្រគេនព្រះសង្ឃចំនួន៩វត្ត និងដាំកូនឈើ ស្ថិតក្នុងវត្តទួលអង្គញ់ ស្រុករមាសហែក

(ស្វាយរៀង):  នៅព្រឹកថ្ងៃទី០៣ ខែសីហា ឆ្នាំ២០១៩ ក្រោមអធិបតីភាព ឯកឧត្តមអគ្គបណ្ឌិតសភាចារ្យ អូន ព័ន្ធមុនីរត្ន័ ឧបនាយករដ្ឋមន្រ្តី រដ្ឋមន្ត្រីក្រសួងសេដ្ឋកិច្ច និង ហិរញ្ញវត្ថុ និង លោកជំទាវ ឯកឧត្តម ម៉ែន វិបុល អភិបាលខេត្ត និងលោកជំទាវ ឯកឧត្តមនាយឧត្តមសេនីយ៍ម សៅ សុខា អគ្គមេបញ្ជាការកងរាជអាវុធហត្ថលើផ្ទៃប្រទេស បានអញ្ជើញជាអធិបតីក្នុងពិធី សម្ពោធឆ្លងបុស្បបុក អភិសេកព្រះបរមរូប ព្រះករុណាព្រះមហាបរមសុកតបាទ ជ័យវរ្ម័នទី៧ វេទេយ្យទានព្រះវស្សាប្រគេនព្រះសង្ឃចំនួន៩វត្ត និងដាំកូនឈើ ជានិមិត្តរូប ស្ថិតក្នុងវត្តទួលអង្គញ់ ឃុំដូង ស្រុករមាសហែក ខេត្តស្វាយរៀង ។

ដោយមានការចូលរួមពីឯកឧត្តមជុំ ហាត ប្រធានក្រុមប្រឹក្សាខេត្ត ឯកឧត្តមបណ្ឌិតគឹម ធា​ សមាជិកព្រឹទ្ធសភា លោកជំទាវឈុន សារឹម តំណាងរាស្រ្តមណ្ឌលស្វាយរៀង ព្រមទាំងឯកឧត្តម លោកជំទាវ លោក លោកស្រី មន្ត្រីរាជការ និង ប្រជាពលរដ្ឋយ៉ាងច្រើនកុះករ​ ។ ហើយចំពោះបុណ្យ​ចូល​ព្រះវស្សា គឺ​ចាប់ផ្តើម​ពីថ្ងៃ​១​រោច ខែអាសាឍ ដល់​ថ្ងៃ​១៥​កើត ខែអស្សុជ មាន​រយ​: ពេល​៣​ខែ ដែល​ពុទ្ធ​បរិ​ស័​ទ្ធ បងប្អូន​ខ្មែរ​យើង​គោរព​ប្រតិបត្តិ​ជា​រៀង​រហូតមក បច្ចុប្បន្ននេះ​វិស័យ​ព្រះពុទ្ធសាសនា មានការ​រីកចម្រើន​គួរអោយកត់សម្គាល់ ក្រោម​ការដឹកនាំ​របស់​សម្តេច​តេ​ជោ ហ៊ុន សែន បាន​អភិវឌ្ឍន៍​ប្រទេសជាតិ​ពី​បាទ​ដៃទទេ ដោយ​ចាប់​ផ្តើមកសាង​និង​ជំរុញ​ការអភិវឌ្ឍន៍​អោយមាន​ការរីកចម្រើន​ដូច​សព្វថ្ងៃនេះ ។

សូមជម្រាបជូនផងដែរថា ទេយ្យទានចំណាំព្រះវស្សាប្រគេនព្រះសង្ឃចំនួន៩វត្តរួមមាន:

-វត្តទួលអង្គញ់

-វត្តឈើទាល

-វត្តដូង

-វត្តពោធិ៍សិរី

-វត្តជាធាច

-វត្តត្រពាំងស្លា

-វត្តត្រពាំងធំ

-វត្តធ្មា

-វត្តភូមិក្រូច ៕ ដោយ:អ៊ុងភក្តី