រដ្ឋបាលខេត្តស្វាយរៀង បានដឹកជញ្ជូនបងប្អូនពលករខ្មែរដែលវិលត្រឡប់មកពីប្រទេសថៃ ចំនួន ២០នាក់ ស្រី ១១នាក់ ទៅដល់លំនៅដ្ឋានដោយសុវត្ថិភាព

 រដ្ឋបាលខេត្តស្វាយរៀង បានដឹកជញ្ជូនបងប្អូនពលករខ្មែរដែលវិលត្រឡប់មកពីប្រទេសថៃ ចំនួន ២០នាក់ ស្រី ១១នាក់ ទៅដល់លំនៅដ្ឋានដោយសុវត្ថិភាព

នារសៀលថ្ងៃទី១ ខែសីហា ឆ្នាំ២០២៥ ក្រុមការងារសម្របសម្រួលទទួលពលករដែលត្រឡប់មកពីប្រទេសថៃទៅខេត្តស្វាយរៀង បានរៀបចំ ចំណីអាហារ ភេសជ្ជៈ និងរថយន្ត ២គ្រឿង របស់រដ្ឋបាលខេត្តស្វាយរៀង  ដើម្បីដឹកជញ្ជូនបងប្អូនពលករខ្មែរដែលចូលមកតាមច្រកទ្វារព្រំដែនអន្តរជាតិដូង ស្រុកកំរៀង ខេត្តបាត់ដំបង ចំនួន ១៧នាក់ ស្រី ៩នាក់ និងតាមច្រកទ្វារព្រំដែនអន្តរជាតិព្រំ ស្រុកសាលាក្រៅ ខេត្តប៉ៃលិន ចំនួន ៣នាក់ ស្រី ២នាក់ ទៅដល់លំនៅដ្ឋានពួកគាត់វិញនៅខេត្តស្វាយរៀង វេលាម៉ោង ០០:១៥ អាធ្រាត ថ្ងៃទី២ ខែសីហា ឆ្នាំ២០២៥ ប្រកបដោយសុវត្ថិភាព។ 

📢 បងប្អូនពលករខ្មែរយើងដែលត្រឡប់ពីប្រទេសថៃតាមច្រកបន្ទាយមានជ័យ បាត់ដំបង ប៉ៃលិន ដែលត្រូវទៅខេត្តស្វាយរៀង សូមធ្វើការទំនាក់ទំនង 📞📲 #071 968 6805 , 010 801 584 , 069 328 600 , 088 922 7007

#អរគុណសន្តិភាព🇰🇭🙏🏻